Mateu 18:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Kanji akanakwigwilila, ntwale munu jumo kwali vavili pakulota ‘likosha lyoelyoe vaakikishe vashuda vavili kwali vatatu.’

Mateu 18:16 Iomraidhean Croise

Nshuwau 8:17

Na ata mo mu Lilamulo lyenu vandyandika doni, ushuda wavanu vavili ni ushuda wiu.

II Vakolintu 13:1

Au ni mwanda wantatu wangwida kwenu. “Kwaushuda wavanu vavili kwali vatatu, kula lilove lyakikishigwe.”

I Timoti 5:19

Haunaitikile vyakutambudyanga vimwámba nang'olo paukapagwa ushuda wavanu vavili kwali vatatu.

Vabalaniya 10:28

Aijá áiludyanga lilamulo lyake Musha ankupela kwabila shididi ukapagwa ushuda wavanu vavili kwali vatatu.

Maono 11:3

“Nene ndavapa lilamulo vashuda vangu vavili, vanavo vandalava mumaduva alupu imo dimiya mbili na sitini vàgwalenge maguni.”