Mateu 13:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Yesu akavajang'ula kushidoni, “Mwaa mwenu vanintadya mumanye vipii vyautawala wakuwa kanji vanavo mene.

Mateu 13:11 Iomraidhean Croise

Mateu 13:10

Napanelo vakwoda vake vanímmandika kumudya doni, “Mwaa shani unkutangola na venentete kwamikong'o?”

Mateu 16:17

Yesu akanjang'ula kushidoni, “Undijaligwa wako Simoni Bali-Janashi! Hanava shinu munu ákupundishidye vinu avi ila ni Atata ávele kuwa.

Mateu 19:11

Yesu kushidoni, “Havanava shinu vanu uti valóta kuulula kutandedya malove ala ila avalá vapatíle lyululilo alyo.

Mateu 20:23

Yesu kushidoni, “Mwiu mwenu mundakumbila luwene lwangu kanji yakwikala kunkanakoko kwali kunshanda kwangu, ayo hainava shinu yakujava nangu. Vene mautu alo ni avalá vavapanganiangididye mwene Atata.”

Malukushi 10:40

kanji yakwikala kunkanakono kwali kunshanda kwangu, ayo hainava shinu yakujava nangu. Vene mautu alo ni avalá vavapanganiangididye.”

Malukushi 4:11

Nae kushidoni, “Mwenu apa vanintadya mumanye vipii vyautawala wa Nnungu, vanu vanji vákapagwite nkati, vanavo kula lilove linkuvaidila kwamikong'o

Lukashi 8:10

Nae kushidoni, “Mwenu jo vanintadya mumanye vipii vyautawala wa Nnungu kanji vanji vo, ‘vipii avi vandavavalangangila kwamikong'o kwambangidya valola avi, havanone shinu na vaigwilila avi, havanamanye shinu.’

Nshuwau 6:65

kutwala kushidoni, “Ni ashi shitadídye nangu nimwaulile mwenu doni, hapali wakuulula kwida kwangu Atata akampele litala.”

Nshuwau 7:17

Munu woewoe akalota kutandedya malotelo ake jo mwene, andamanya kenga mapundisho ala, a Nnungu kwali ninkutangola yangu nimwene.

Vitendo 16:14

Pakati pavakongwe váshitwigwilila andípagwa nkongwe jumo áshilipudya kwa Nnungu walina Lidiya áshishumidyanga dinguvo dyakupapeka dyailangi yanshambalau na wakwalakela kulikaja lya Tiyatila. Umu napane andímuungula ntima pakulota kwigwa shana vyashitangola Paulu.

Valoma 11:25

Mmanung'unumunu hangunalota shinu mutikinange shipii shangulota kutangola kwambangidya hamunave mmanu mmakulyona: kunanopa kwantima kúkawikidile popo kundivawikila vanaishilaeli mpaka kuumbaligwa kwavamidi kuwikile popo.

Valoma 16:25

Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

I Vakolintu 13:2

Ndikavanavo kulava na kumanya vipii uti na umanyimanyi uti, ndikavanavo likulupililo uti pakulota ngushe mashinga kanji ndikanavanavo linagwaledyo, hangunava shinu.

I Vakolintu 15:51

Mwenu, nimwaulila shipii i uti tundalala ila wetu uti tundajaluwangigwa,

I Vakolintu 2:14

Munu washivalakwelo hanakubali vinu vya Imumu wa Nnungu mwaa kwake nae ni ujinga; haulula kumanya pakuva vyanavo vinkujavaniangigwa mwimumu.

I Vakolintu 2:7

Leka apo, tundátangola limanyilo lyake Nnungu lìpiike mushipii, lyo lyapanganienge wakati ukanava kwalishangelo lyetu wetu.

I Vakolintu 4:1

Nadoni amu ni muvaikidíle munu atuvalangilile: atuvalangilile kenga tuvatumika vamwe Klistu na wavatukamudidye vipii vyake Nnungu.

I Vakolintu 4:7

Wako akupambwilé nyani? Da shakwashi shauvénavo shavakakupele? Napanelo ikava kenga vandikupa mwaa shani unkulyona kenga havakupele?

Vaepeshu 1:18

alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Vaepeshu 1:9

atadya tumanye shipii shamalotelo ake kwodananavo mwainagwaladile, mo mwalatalele mwene atende nkati mumwe Klistu

Vaepeshu 5:32

Shipii ashi shikumene kanji nangu ninkushidoni shaambíka apa shimwamba Klistu pamo na liganisha.

Vaepeshu 6:19

namomo mungujugwila nangu kwambangidya dashi ndikashimula ikanywa, ngupate malove pakulota ndivamanyiye vanu na ntima washinannume shipii shantenga wambone,

Vakoloshu 2:2

pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Timoti 3:9

vakamulíla shipii shalikulupililo kwamakumbukililo amuntima ákave ushapu.

Tiyagu 1:5

Ikava kenga munu pakati penu linkumwova limanyilo, anjugwe Nnungu ávapa vanu uti kwabila shinyadinyadi na ákashulanga; namomo nae andamupa.

I Nshuwau 2:20

Mwenu napane munkuvanavo kupakigwa kumwe Wakwilimyanga na mwenu uti munkuvanavo limanyilo.

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.