Maono 21:2 - Ibibiliya mu Shimakonde Imbodi Yaambi na dimbande dya Imbodi Yakala

² Namomo ndyóna njini wakwilimyanga Yelusalemu yaambi ishuluka kuwa kwa Nnungu kenga nkúlombwa wavampanganiyenge na kunnemya shana auka kwantwagwe.

Maono 21:2 Iomraidhean Croise

Nshuwau 3:29

Mwene nkúlombwa ni nkúlomba. Napane mbwadigwe wapantima wankúlomba ni aijá ánannindila nkúlomba. Panamwigwa, nae andápuwanga namene mwaa wakwigwa lidi lyake. Nadoni lipuwilo lyangu ali lindiwikila popo.

II Vakolintu 11:2

Mwenu, dukuduku yanguvenavo kwenu mwenu ni dukuduku yakwalakela kumwe Nnungu mwaa nangu ndilivikila kunnombya mwenu kwannume jumo; ndikankamudye kumwe Klistu kenga mwali ntete ákave ushapu.

Vabalaniya 11:10

Mwaa nae ashindalindila njini úvenavo shitunduvangilo shakunanopa, aulá wakuvenge jo mwene Nnungu na kudenga jo mwene.

Vabalaniya 11:16

Kanji leka apo, vanavo vashindalikanyalidya vapate shilambo shamana yani shilambo shakuwa. Napavedoni Nnungu hanona dyoni pashamegwa kuva Nnungu wave mwaa jo mwene andivakandyangidya aulá njini.

Vabalaniya 12:22

Kanji napane mwenu mundiwika palishinga lya Shiyau, ku Yelusalemu yakuwa njini wake Nnungu mumi, kwavanjelo makumi manga pankodyanio walipuwilo,

Vabalaniya 13:14

Mwaa mushilambo amu, hatuvenavo njini wamaduva oe kanji tunkulindila njini aulá ulóta kwida.

Maono 1:1

Maono amwe Yesu Klistu áumidye Nnungu pakulota kuvamanyiya vatumika vake vinu vivaikidíle vitandeke ambi popa. Nae anintumidya njelo wake kwida nammalangila ntumika wake walina Nshuwau,

Maono 1:4

Nangu Nshuwau ninkwandikila maganisha saba avéle ku Ashiya, umonyo na amani vyakwalakela kumwe aijá ápagwite, e apagwíte na álota kwida. Namomo vyakwalakela kwa adilá dimumu saba divéle pepi-pepi na pashiteng'u shake

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 11:2

Ila nshana wo leka, haunapime mwaa wanavo vandivajaulila vamidi. Vovo vo, vandakandanga njini wakwilimyanga mumyedi alubaini na mbili.

Maono 21:10

Nae aníngutwala mu Imumu kunguukanavo kulishinga likumene lyakulepa kutwala kungulodya Yelusalemu njini wakwilimyanga úshaalakela kuwa kumwe Nnungu;

Maono 21:9

Njelo jumo pakati pavanjelo saba vavénavo midamu vyakuumbala avilá vyaushanga saba vyamwisho, anínguvandika kutwa kushidoni, “Ida, nangu ndakulodya nkúlombwa ndya Ngandolo.”

Maono 22:17

Imumu pamo na nkúlombwa vankushidoni, “Ida!” Kula áigwa aashidoni, “Ida!” Aijá ávenavo inyota, aide; aijá álota, atwale medi ashingumi akumbile monyo.

Maono 22:19

Namomo ikava kenga munu andapungula malove avéle mulibuku ali lyamaono, Nnungu andapungula isemu yake yannandi washingumi na isemu yanjini wakwilimyanga yavaandike mulibuku ali.

Maono 3:12

“ ‘Nkútema nantenda kuva libodo lyaing'ande ya Nnungu wangu na mwiko hauma kavili. Ndamwandika lina lya Nnungu wangu na lina lyanjini wa Nnungu wangu yani Yelusalemu yaambi yalakéla kuwa kwa Nnungu wangu; namomo ndamwandika lina lyangu lyaambi.