Maono 21:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Nae aníngutwala mu Imumu kunguukanavo kulishinga likumene lyakulepa kutwala kungulodya Yelusalemu njini wakwilimyanga úshaalakela kuwa kumwe Nnungu;

Maono 21:10 Iomraidhean Croise

Vitendo 8:39

Pavaumanenge mmedi, Imumu wake Umu aníntwala Pilipo; bai mwitiyope hangwene kavili kanji andyúka mushu na shimwanda shake apuwanga.

Vagalata 4:26

Kanji pane Yelusalemu yakuwa, yanavo ivé muunaiti, ayo ni jujuwetu.

Maono 1:10

Napane muliduva limwe Umu ndítwaligwa mu Imumu kutwala kunyuma kwangu kwigwa lidi likumene kenga lipalapanda

Maono 11:2

Ila nshana wo leka, haunapime mwaa wanavo vandivajaulila vamidi. Vovo vo, vandakandanga njini wakwilimyanga mumyedi alubaini na mbili.

Maono 17:3

Napanelo njelo aníngutwala mu Imumu kunguukanavo kushimbweshe. Ako ndímwona nkongwe jumo àikele pashanya palidimu lyanauvi vàmwandikenge mena oe akukupulu, àvenavo myuti saba na dimembe kumi.

Maono 21:2

Namomo ndyóna njini wakwilimyanga Yelusalemu yaambi ishuluka kuwa kwa Nnungu kenga nkúlombwa wavampanganiyenge na kunnemya shana auka kwantwagwe.

Maono 3:12

“ ‘Nkútema nantenda kuva libodo lyaing'ande ya Nnungu wangu na mwiko hauma kavili. Ndamwandika lina lya Nnungu wangu na lina lyanjini wa Nnungu wangu yani Yelusalemu yaambi yalakéla kuwa kwa Nnungu wangu; namomo ndamwandika lina lyangu lyaambi.

Maono 4:2

Muwakati wowo ndítwaligwa mu Imumu, kumbe kuwa ko shindípagwa shiteng'u, mwene shiteng'u àikalidile;