Maono 13:3 - Ibibiliya mu Shimakonde Imbodi Yaambi na dimbande dya Imbodi Yakala

³ Muti umo pakati pamyuti vyalidimu ajo, nindyóna vàkang'ene namene kanji shilonda shake shashilota apele, shìponile. Shilambo uti shindíshanga kutwala kumwoda lidimu jo.

Maono 13:3 Iomraidhean Croise

Lukashi 2:1

Napanelo mumaduva alo Shashali Agustu andyúmya lilamulo lyakulota vanu uti vavilambo víshilangalalegwa na Loma valyandikishe.

Nshuwau 12:19

Nadoni mapalishayo vandyaulanila shivenevene kushidoni, “Wetu apa hashipali shatwamba! Shapo lola, shilambo uti shindimwoda nae!”

Vitendo 8:13

Ata mpaka jo mwene Simoni momo andíkulupila kutwala nanae kupata ubatisho na ngwengwe ashindamwoda Pilipo alaledya shana vimanyikilo na vyamakango vikumene víshitandeka kutwala nae kushanga doni.

Maono 13:12

Nae andítumila madalaka uti palina limwe aijá lidimu ntandi pamevo pake, ashindatadya shilambo shapai na vanu vanáma amo valipudye kumwe lidimu ntandi e avénavo shilonda shashilota apele kutwala kupona.

Maono 13:14

Kwamwaa wavimanyikilo vyavampéle atende pamevo pamwe lidimu ntandi, nae andívaduwanga vanáma mushilambo. Andívalamulila vakandyange lishinamu kwakuntumbyanga lidimu aijá wavankang'éne lyambila kutwala kunama kavili.

Maono 17:10

Mwanu vandigwa, jumo ankupagwa na junji hanava kuumilila, napane palota kuumilila inimmaikila atime padyoko.

Maono 17:11

Lidimu jo andípagwa kanji napane hanapagwa shinu, nae ni umu wanane. Aju ankupagwa pamo na avalá saba, jojo jo ankuka kukubamalegwa.

Maono 17:13

Vanavo vankuvanavo makumbukililo amo lolo na vandamupa lidimu aijá dimongo dyave pamo na madalaka.

Maono 17:17

Mwaa Nnungu andivika mmitima vyave vatandedye malotelo ake kwambangidya vavenavo makumbukililo amo lolo, namomo kumupa madalaka ave akutawalila aijá lidimu mpaka awikile popo malove ake Nnungu.

Maono 17:6

Napane kutwa kumwona aijá nkongwe àmbalwidye myadi vyavakwilimyanga na vyavanu váshumya ushuda umwe Yesu. Paningwene, ngujeeme vila.

Maono 17:8

Lidimu waungwene jo, andípagwa kanji napane hanapagwa shinu. Nae andauma ambi popa ku Litavaleva kwida ndabamalegwa. Vanu vanáma mushilambo shapai uti vákaandikigwe mena ave mulibuku lyashingumi tangu kukandyangigwa shilambo, vanavo vandashanga pavalota kumwona lidimu mwaa andípagwa, napane hanapagwa shinu kanji andapagwa kavili.