III Nshuwau 1:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Kanji napane kwaupande umwe Demetiliu uti vandyumya ushuda wambone na wo umwiu wene unkwing'a ushuda kwamwaa wake. Na wetu momo tunkumya ushuda na wako unkumanya kenga ushuda wetu, wìu.

III Nshuwau 1:12 Iomraidhean Croise

Nshuwau 19:35

Aijá ágwene vinu avi andyumya ushuda na ushuda wake ni waumwiu. Nae andimanya kenga ankuvalanganga umwiu; ankuvalanganga pakulota namwenu momo mukulupile.

Nshuwau 21:24

Aju ni nkwóda jojo áumya ushuda wavinu avi na áandike. Wetu tunkumanya kenga ushuda wake wo, wìu.

Vitendo 10:22

Vanavo kushidoni, “Wetu twalakela kwanang'olo wavaing'ondo walina Koluneli; nae ni munu waishaliya na wakunjopa Nnungu na ni munu waushuda wambone kwavenentete uti vayuda. Jojo jo, njelo wakwilimyanga andimwaulila akusheme uke kwing'ande yake ukamwaulile shauvenavo.”

Vitendo 22:12

“Napanelo mo nkaja mo andípagwa munu jumo walina Ananiya, munu wakunjopa Nnungu na wakwigwilila lilamulo lyetu, wavashimuumidya ushuda wambone vayuda uti váshinanama nkaja mu Damashiko,

Vitendo 6:3

Napavedoni mmanung'unumunu vatandole vanu saba pakati penu vaushuda wambone, vakuvaumbala Imumu Wanashwe, valimanyilo tuvakamudye shimadengo ashi

I Vateshalonika 4:12

kwambangidya muname shalowa kwa avalá vapanda na hashinapagwe shakumwova.

I Timoti 3:7

Namomo inimmaikila ave munu waushuda wambone pakati pavanu vapanda pakulota hanalapigwe kutwala kujola mulutambo lumwe Ndamoni.