Yowɛli 3:2 - ALLALA KUMƐ

² A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Yowɛli 3:2 Iomraidhean Croise

2 Ko-Kɔrɔta-Karan 20:26

A tele nani nyɔgɛ le ma, anu ya anu nadɛn Baraka lɛɛ rɔ alako anu ni baraka bira anuta Mari ye ka a tɛgɛ a ara min kɛ anu ye. (Wo le ya a to, anu ya lɛɛ wo kele ko Baraka lɛɛ.)

Aiseya 66:16

Mari si kiti tɛgɛ tɛ la. A si hadama-dan bɛɛ tɔrɔ faan la, ado a ye minnu wara-koe kala-a-la, wonu denu siya.

Aiseya 66:18

Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 25:31

Sɔnkɛ wo si duninya mumɛ bɛɛ bira-a-la wuu! Wo ye mala bawo Mari ye nala sibole bɛɛ tɔrɔla le. A si mɔgɛ bɛɛla fɛɛ yira a la kiti-kɛ-tinɛ. A si wunduyoge bɛɛ halaki pɔ!

Yɛrɛmaya 49:1

Mari ya kɛ le fɔ Amonnuna ko rɔ. A ko kurusi-tigi sa Isirɛla mɔgɛnu tɔ min si anuna nyamanɛ kumafunfan? Nfenna Molɛki kɔlɛnu ya Kadi bɔnsɔnta nyamanɛ bi anu yala ka sigi nyɔ, anu ma fenfen fɔ?

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Isikiyɛli 25:8

“Nde, wo Tigi Mari ko Mohabu nyamanita-mɔgɛnu bara a fɔ min kɛ ko Yuda kɛnu bara ma iko nyamanɛ toenu,

Isikiyɛli 34:6

Woletɔ nta sagɛnu tara anu kun fɛ kɔnkɔ-layan-bɛnu anubɛ gburukulinu ma. Anu ta ara nyɛnsɛn dugi kuma, ado mɔgɔ-wo-mɔgɔ ma anu nyini.

Isikiyɛli 35:10

“Hali Isirɛlata Mari le nde, Alla la, ale Idɔm ya a fɔ ko atɛ le Yuda anubɛ Isirɛla anubɛ anuna duginu na.

Isikiyɛli 36:1

Mari ko, “Ile hadama-dan, kuma Isirɛla kɔnkɛnu ye. A fɔ anu ye ko anu ni anu tole masɔ nde,

Isikiyɛli 36:5

Nde, anu Tigi Mari ara sibolo-gbɛrɛnu makuma n sɛbɛ-kuna-wɛ la, katarala Idɔm ma. Anu buira nna kolo-fannu de-nyini-tinɛnu ma ka wonu bi nna mɔgɛnu bolo bɔrɔbɔnteyɛ anubɛ sewɛ la.

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Isikiyɛli 39:11

Mari ya a fɔ n ye ko, “Kɛ bɛɛ wa ma tumɛ min, n si kan-tinɛ do di Mansa Kɔginu ma Isirɛla nyamanɛ rɔ, anu si a togon kan min. Anu togon tinɛ wo ye Tagamanɛnuna lɛɛ rɔ min bi Dalɛ Faganɛ tele-bɔɛ wara la. Mansa Kɔgi anubɛ ala kɛlɛ-dannu wa togon nyɔ tumɛ min, anu si lɛɛ wo kele ko, ‘Kɔgila-Kɛlɛ-Dannuna Lɛɛ.’

Yowɛli 3:12

Mari ko, “Fɔ sibole wonu ba anu tabɛn kɛlɛ-kɛ-koe la ka na Kiti Sa Lɛɛ rɔ. Sibole minnu bi wola foolɛ rɔ, n si anu kiti lɛɛ wo rɔ.

Yowɛli 3:14

Mɔgɔ waga yirika-siyaman nadɛnnɛ Kiti Sa Lɛɛ kɛ rɔ. Marita tele si anu taran lɛɛ wo rɔ.

Emɔsi 1:11

“Mari ko wole Idɔm mɔgɛnu, wo ara hakɛ dan-natenbi, ado a si wo tɔrɔ, yɔ! Wo ara wola kɛlɛ-kɛ-mirannu bi ka wo na-kelen-nyɔgɔ Isirɛla mɔgɛnu manɛgɛn. Wo ma sɔn kinikinina anu ma mumɛ! Wola diminyɛ ma sɛgi kɔma.

Maika 4:12

Kɔnɔ mɔgɛ kɛnu ma a lɔn Mari ara min tabɛn anu kan ma. Anu ma a lɔn ko Mari ara anu nadɛn anu gbesi koe la iko sɛni-salɛ wa fui-fan ladɛn gbere ma a gbesi-koe la.

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 16:14

Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”

Lankɛnimayɛ 16:6

Anu bara ila mɔgɛnu anubɛ nɛbinu yele labɔ. Woletɔ i wara yele di anu ma ka a min. A bɛnta anu ni min sɔrɔn, anu bara ban wo sɔrɔnna feu!”

Lankɛnimayɛ 20:8

Sibole minnu nyɛnsɛnnɛ duninya kan bɛɛ rɔ, a si ta ka wonu yanfa, Kɔgi anubɛ Megogi nyamanɛnu, kɔni. Setanɛ si na wonu dama la ka anu nadɛn kɛlɛ-kɛ-koe la. Anu siya iko kɔgɔ-yi-kɛnkɛn siya nya min.