Yowɛli 3:18 - ALLALA KUMƐ

¹⁸ Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Yowɛli 3:18 Iomraidhean Croise

Yobu 29:6

Wo wati rɔ, n bi nonɛ bɔla nna ninkinu anubɛ nna baanu tɔ. Hali kurinu siya kan min, nna ki-fannu si nanfa nyɔ kubukubu!

Yaburi 46:4

Mɔgɛnu bi Alla batola soe min tɔ, bɛ do ye nyɔ, wo ye nala sewala mɔgɛnu na nyɔ rɔ. Alla Min Bi Fan Bɛɛ Kun Na, wo mayiginɛ ata bon-sɛnimɛ la.

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Aiseya 30:25

Wo wa wo yogenuna kan-tina-latankanɛ wonu bira ka wo yogenu faga, wo kɔma, tenkenu si tugu-a-rɔ kɔnkɔ-wɛnu tɔ belenna.

Aiseya 35:6

Namarɛnu si anu gban iko minan-dan. Bobenu si anu dɛ sa-a-rɔ sewɛ bolo. Yi-mɛsɛmɛnu si tugu dugu-gbalanɛ rɔ.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 45:8

A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Aiseya 55:1

Mari ko ni minnu kan lagbalanɛ, wonu ni na anu min. Ni wodi sa minnu bolo, wonu ni na dɔn-fen bi tinɛ. Wo ni na nonɛ anubɛ min-kɛ-fan min, wo ti fenfen bɔ.

Aiseya 66:11

Wo si a tɔnɛ dɔn, a ni wo rabɔ dass, iko dan na kin-yi ye a rabɔla nya min.

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Sakaraya 14:8

Wo wati wa ke, yi-kura si dugi punsɔgɔ Yerusalɛm soe burɔ ka fara fila la. A tɔnkɔn doi si ta a labila Dalɛ Faganɛ ma. A tɔnkɔn doi fanan si ta a labila Mɛdetereniyan kɔgɔ-yi ma. Sama, telema, a ye yigila le dɛɛ!

Yilan-Yilan Koe 25:1

Isirɛla mɔgɛnu ya anu daga makɛ Akasiya lɛɛ rɔ wati min, Isirɛla keminɛ-mɛsɛnu ya a dabira ka Mohabu musinu maki nyɔ.