Yowɛli 3:12 - ALLALA KUMƐ

¹² Mari ko, “Fɔ sibole wonu ba anu tabɛn kɛlɛ-kɛ-koe la ka na Kiti Sa Lɛɛ rɔ. Sibole minnu bi wola foolɛ rɔ, n si anu kiti lɛɛ wo rɔ.

Yowɛli 3:12 Iomraidhean Croise

2 Ko-Kɔrɔta-Karan 20:26

A tele nani nyɔgɛ le ma, anu ya anu nadɛn Baraka lɛɛ rɔ alako anu ni baraka bira anuta Mari ye ka a tɛgɛ a ara min kɛ anu ye. (Wo le ya a to, anu ya lɛɛ wo kele ko Baraka lɛɛ.)

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 96:13

Mari wa na kiti tɛgɛ tinɛ lunyɛ min, kɔni. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Yaburi 98:9

bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Aiseya 22:1

Sarakanɛ kɛ nanɛ lɛɛla ko la min bi Yerusalɛm tɔgɔ fɛ. A tɔgɛ le Ko-Rayira-Lɛɛ. Nfen bi ma-tinɛ wo la? Wole so-burɔ-mɔgɛnu, wo ye nfen sewala wola bɔnnu kuma?

Aiseya 3:13

Mari ara ala sɔ-tinɛ bi kiti fɔ tinɛ. A ara a lakɔɛnma ala mɔgɛnu kiti-koe rɔ.

Isikiyɛli 30:3

ado nde, Mari ye anu tɔrɔla tele min ma, wo ara gbɛrɛn. Wo si ma tele-finyɛ la sibole bɛɛ ye.

Isikiyɛli 39:11

Mari ya a fɔ n ye ko, “Kɛ bɛɛ wa ma tumɛ min, n si kan-tinɛ do di Mansa Kɔginu ma Isirɛla nyamanɛ rɔ, anu si a togon kan min. Anu togon tinɛ wo ye Tagamanɛnuna lɛɛ rɔ min bi Dalɛ Faganɛ tele-bɔɛ wara la. Mansa Kɔgi anubɛ ala kɛlɛ-dannu wa togon nyɔ tumɛ min, anu si lɛɛ wo kele ko, ‘Kɔgila-Kɛlɛ-Dannuna Lɛɛ.’

Yowɛli 3:14

Mɔgɔ waga yirika-siyaman nadɛnnɛ Kiti Sa Lɛɛ kɛ rɔ. Marita tele si anu taran lɛɛ wo rɔ.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Maika 4:3

“Mari si kɛlɛ-nyɔgɔnyɛ ban duninya-mɔgɛnuna kun-tiginu tɛma. Mari si yisi-kimɛ lana anu tɛma ha anu si anuna faannu yɛlɛma sɛni-kɛ-dɛɛnu na. Anu si anuna tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma tun!

Sakaraya 14:4

Wo wati rɔ, a si sɔ Ɔlifi kɔnkɛ kuma Yerusalɛm tele-bɔɛ wara la. Kɔnkɛ wo si bɔ tiila tele-bɔɛ wara la ha tele-yigi. A tɔnkɔn kelan si ta kantɔ-wara la, a tɔnkɔn doi ni ta dugula wara la.

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.