Yowɛli 3:10 - ALLALA KUMƐ

¹⁰ Wola nunakɛnu ni wola dɛɛnu gbesi faannu na wo ye ka wola sɔnbɛnu gbesi tanbɛnu na. Hali mɔgɔ-rafaganɛnu ni kɛlɛ kɛ.

Yowɛli 3:10 Iomraidhean Croise

2 Ko-Kɔrɔta-Karan 25:8

Ile mirinɛ ko Isirɛla kɛlɛ-dannu si i fanka lakoloya kɛlɛ rɔ, wa? Wo sɛnbɛ ye Alla le bolo alako i ni nɔ-ko sɔrɔn, ni wo ma, anu denu ni i nɔ, ado ale le si a ma, i yogenu ni i nɔ.”

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Maika 4:3

“Mari si kɛlɛ-nyɔgɔnyɛ ban duninya-mɔgɛnuna kun-tiginu tɛma. Mari si yisi-kimɛ lana anu tɛma ha anu si anuna faannu yɛlɛma sɛni-kɛ-dɛɛnu na. Anu si anuna tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma tun!

Sakaraya 12:8

Wo wati wa ke, ale Mari si Yerusalɛm kɛnu nakanan. Hali minta ma gbɛlɛ, wo kole si gbɛlɛya iko Mansa Dawuda. A kegeyɛnu si sɔ kɛlɛ-dannu yarɔ iko ale Marita melika ye a mala nya min, Alla, kɔni.

Luka 13:12

Yisa ya a yen tumɛ min, a ya a kele. A ko, “N na, i wara hɔrɔya ka bɔ ila kirayɛ kɛ kɔrɔ.”

Luka 22:36

Yisa ko, “Kɔnɔ kaka, ni wodi-bɔrɛ ye min bolo, anubɛ tagama-bɔrɛ, a ni wo bi. Ni faan sa min bolo, wo ni ala duruki fere ka do san.