Yowɛli 2:5 - ALLALA KUMƐ

⁵ Anu tenbi kɔnkɔ yigi-ni-yɛlɛ kɛla, anu ta-kan ye bɔla iko kirindinu. Anu sɔnkɔ-kan ye tala bɔla iko tɛ tenbi kalɛ la. Anu tabɛnnɛ sɔnɛ anu sansan-yili ma kɛlɛ-kɛ-koe la.

Yowɛli 2:5 Iomraidhean Croise

Yobu 39:20

Ile le ye a mala, a kinta-kan ye sɔnkɔla iko kondɔn-biriti-wɛ? Ile le ye a mala, a sun-tafɛ-kan ye mɔgɛnu mabanna?

Bɔ-Koe-Iyipiti 5:12

Woletɔ Isirɛla mɔgɛnu basanta Iyipiti nyamanɛ kan tinɛ bɛɛ la kɔrɔ-fɔrɔn nyini tinɛ.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Yɛrɛmaya 50:42

Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Lankɛnimayɛ 9:9

Fan do ye anu kɔgɔ-dɛ rɔ min manɛ iko kɔgɔ-matanka-fan min nadannɛ nɛgɛ la. Anu kanban-tagbesi-kan manɛ iko so-siyamɛnu tenbi kirindinu saganna anu burimatoe kɛlɛ-kɛ-tinɛ.