Yowɛli 2:32 - ALLALA KUMƐ

³² Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Yowɛli 2:32 Iomraidhean Croise

Ko-Dabirɛnu 4:26

Sɛti wo fanan ya den-kei sɔrɔn. A ya a tɔgɔ sa Inɔsi. Mɔgɛnu ya Mari batoe dabira wati wo le tɔ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Aiseya 10:22

Isirɛla mɔgɛnu siya iko kɛnkɛn kɔnɔ anu kolo-dande-nɛ le sɛgila dɔrɔn. Kasarɛ lamaranɛ bondɔn la Isirɛla mɔgɛnu ye, ado a bɛnta, anu ni a sɔrɔn de, yɔ!

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 11:16

Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Yɛrɛmaya 31:7

Mari ko bɛɛ ni sewa ka sigi sa wole, Isirɛla mɔgɛnuna ko la. Anu ni anu kuli mayɛlɛ Isirɛla nyamanɛla ko la min makawanɛ nyamanɛ bɛɛ ko. Anu ni matɔgɔ-bɛtinu bɔ ko, “Mari ara ala mɔgɛnu nakisi. A toe min tonɛ, a ara wo bɛɛ kunka.”

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Emɔsi 9:8

A ko a kolan ye wole, hakɛ-tiginu na tolon! A si wo firan dugu-kole kɛ kuma. Kɔnɔ a ko a ti Yakoba kegeyɛ bɛɛ lato de!

Hɔbadaya 1:17

Kɔnɔ hali wo, Mari ko ata mɔgɔ-biranɛ donu si ke anu burila ka sɛgi anu barɛ Yerusalɛm soe burɔ ka a bato nyɔ. Yakoba kegeyɛnu si ke anu halala-nyamanɛ sɔrɔnna a gbɛ rɔ tun, yɔ!

Hɔbadaya 1:21

Mɔgɛ kɛnu ba ban soe kɛnu bila anu bolo, anu si ta Idɔm nyamanɛ fanan bi ka a mara. Ale Mari nyɛrɛ si ma mansɛ la ata mɔgɛnu kuma nyɔ.

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Yɔni 10:16

Saga-dogbɛrɛnu bi n bolo minnu sa saga-kulɛ kɛ rɔ. Fɔ n ni na wonu fanan na. Anu si anu tole masɔ n kan la. Wonu si ma kurun kelen na saga-fɛ-birala kelan wo kɔrɔ.

Yɔni 4:22

Wole Samariya kɛnu, wo ye min batola, wo ma wo lɔn. Kɔnɔ male Yahudiyanu bi min batola, ma ya wo lɔn bawo kisi-koe bɔnɛ Yahudiyanu denu bolo.

Kɛwɔlɛnu 15:17

Woletɔ mɔgɔ-toe bɛɛ si nde, Mari nyini. N bara sibole min bɛɛ kele, wonu si ma ntɛ la.

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

Romu 11:5

Hali kaka, a ye wo nya na le. Anu dande le nyɔ Alla ara minnu yabɔ ka hina anu na.

Romu 11:7

Nba, koe minnu bara ma, n bi wonu denu fɔla wo ye. Isirɛla mɔgɛnu bi telenbagayɛ min nyinina Alla yala nun, anu ma wo yen kɔnɔ minnu ya wo yen, Alla ya mɔgɔ-dande le dɔrɔn yatɔnbɔn anu tɔ. A toenu tole gbɛlɛyara Allata keleli ma.

Romu 9:24

ado male le kelenɛ Alla bolo. Donu bɔra Yahudiyanu tɛma, donu bɔra sibolo-gbɛrɛnu fanan tɛma.

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.