Yowɛli 2:20 - ALLALA KUMƐ

²⁰ Kɛlɛ-den-siyamɛ minnu nara ka bɔ kantɔ-wara la a ko a si wo doinu kunyɛ lasɛgi a rɔ wulɛ wara la. Kɛlɛ-den yarɔ-sɔlɛ wonu si ta bui Dalɛ-Faganɛ rɔ. Minnu bi kɔma, wonu si ta bui Mɛdetereniyan Kɔgɔ-Yi rɔ. Wonu suyi-suma-titi-wɛ si bɔ. A ko a si kɛlɛ-dan wonu dama kasara tɛrr, ka a tɛgɛ anu bara min ma wo la nun.

Yowɛli 2:20 Iomraidhean Croise

2 Mansɛnu 8:13

Hasiyɛli ya a fɔ a ye ko, “Fenfen ma nde min na, nde si wo fanka sɔrɔn kama?” Nɛbi Ilaisa ya a fɔ a ye ko, “Mari ara a yira n na serr, ko ile si ma Siriyanuna mansɛ la.”

Yaburi 126:3

Tonyɛ le, a ara ko-makawani-siyaman kɛ ma ye. Ma sewara le wo rɔ kati!

Bɔ-Koe-Iyipiti 10:19

Mari ya fɔn-belebele do labɔ tele-yigi wara la. Fɔnyɔ wo ya kondɔn wonu bi ka anu nafili Kɔgɔ-Yi-Wulan rɔ. Hali kondɔn wo kelen ma to Iyipiti nyamanɛ rɔ.

Bɔ-Koe-Iyipiti 8:14

Iyipiti kɛnu ya turukɔɔkɔ suyi wonu nadɛn belenna. Wonu tuli sumɛ ratiira anu kun na pu!

Aiseya 34:3

Anu togonna fenfen ti taran. Anu tulinɛ si to sani fɔ anu sumɛ min bi bɔla. Kɔnkɛnu si wulen anu yele bolo.

Isikiyɛli 47:18

“Kan-tinɛ do rɔ Damasika soe anubɛ Hɔran sigisɔn tɛma, dan min bi tele-bɔɛ wara la, wo le yigira a ma ka na a labila Yorodan bɛ ma. Isirɛla nyamanɛ ye bɛ tele-yigi wara la le. Kaliyadi nyamanɛ fanan bi bɛ tele-bɔɛ wara la ha ka ke Tama soe ma Dalɛ Faganɛ kɔma.

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

Sakaraya 14:8

Wo wati wa ke, yi-kura si dugi punsɔgɔ Yerusalɛm soe burɔ ka fara fila la. A tɔnkɔn doi si ta a labila Dalɛ Faganɛ ma. A tɔnkɔn doi fanan si ta a labila Mɛdetereniyan kɔgɔ-yi ma. Sama, telema, a ye yigila le dɛɛ!

Malakayi 3:11

A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!

Tɔn-Fɔɛ-Fila-Nyɔgɛ 11:24

Wo tagamanta nyamanɛ wo kan-tina wo kan-tina rɔ, wo si ma wotɛ la. Wola nyamanɛ min ya a dabira dugula wara la wulɛ rɔ ha ka ta ke Lɛbanan kɔnkɛnu ma, wo dugi si ma wotɛ la. Ka a fɔlɔ Yufereti bɛ ma tele-bɔɛ wara la ha ka ta a sigi Mɛdetereniyan kɔgɔ-yi la tele-yigi wara la, wo dugi fanan si ma wotɛ la.