Yowɛli 2:16 - ALLALA KUMƐ

¹⁶ Wo wa ban mɔgɛnu nakundɛnna, wo ni anu sɛninya iko tɔn ya a fɔ nya min. Wo ni kinanu kele. Wao ni dennɛnu fanan kele. Hali minnu dɛ ye kinyɛ la, wonu fanan ni bɛn a rɔ. Hali kei min ban-san musi furula, wonubɛ ala musi ni anuna bɔn boloka ka na.

Yowɛli 2:16 Iomraidhean Croise

2 Ko-Kɔrɔta-Karan 20:13

Yuda nyamanita-mɔgɛnu, a keimɛ wo, a musumɛ wo, anubɛ dennɛnu, anu bɛɛ sɔra Bato-Bɔn yarɔ.

2 Ko-Kɔrɔta-Karan 29:5

A kumara anu ye nyɔ rɔ, a ko, “Wole Lifayinu, wo ni wo nyɛrɛ sɛninya, wo kɔma, wo ni wo benbanuta Mari Allata Bato-Bɔn fanan sɛninya. Fan minnu si Bato-Bɔn latinya, wo ni wonu nabɔ luyi ma.

2 Ko-Kɔrɔta-Karan 30:17

Kɔnɔ mɔgɔ-siyaman ma ke Kanan-Koe saga-dan kɛnu fagala bawo mɔgɛ wonu sɛninyani ma. Wo le ya a ma, Lifayinu ya saga-dan wonu faga anu ye ka saga-dan wonu dantɛgɛ Mari ma.

2 Ko-Kɔrɔta-Karan 30:19

“E, ma benbanuta Mari Alla, ila mɔgɛ minnu sɛninyani ma kɔnɔ anu bi i batola anu yisi bɛɛ la, ka a tɛgɛ ita ko-nyimɛ ma, i yandi, anu makoto.”

2 Ko-Kɔrɔta-Karan 35:6

Wo ni saga-dannubɛ baanu faga Kanan-Ko-Ladiyɛ kuma. Wo ni wo nyɛrɛ sɛninya iko tɔn ya a fɔ nya min. Wo ni sarakɛ wonu bɔ a nya ma alako wo ta-nyɔgɛ Isirɛla mɔgɛnu ni kumɛ bira iko Mari ya a fɔ Musa ye nya min.”

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yaburi 19:5

A sewanɛ si bɔ sɔgɔma iko musu-kura-tigi, ni wo ma, iko buri-sɔgɛ ye buri-kɛla-nyana min na.

Bɔ-Koe-Iyipiti 19:10

Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku.

Bɔ-Koe-Iyipiti 19:15

Wo kɔma, Musa ya a fɔ mɔgɛnu ye ko, “Wo ni wo rabɛn tele sawa kɛnu kɔrɔ. Wo kana wo gbɛrɛn musu ma wulɔn.”

Bɔ-Koe-Iyipiti 19:22

Hali saraka-masɔlɛ minnu bi mabɛ mɔgɛnu tɛma, wonu fanan ni anu sɛninya. Ni wo ma, n si anu fanan tɔrɔ.”

Yowɛli 1:14

Wo ni ladɛn kɛ Bato-Bɔn la. Bɛɛ ni sunyɛ don. Wo ni Yuda mɔgɔ-banu anubɛ a mɔgɛ bɛɛ kundɛn. Anu damasi la ni dɛn mata Mari Alla Bato-Bɔn la, anu si di a dala kan min.

Matiyu 21:16

Anu ya a fɔ Yisa ye ko, “Anu bi min fɔla, i sa wo lamɔɛnna?” Yisa ya anu yabi ko, “N bi a lamɔɛnna, yɔ! A sɛbɛnɛ Allata kitabu rɔ ko, ‘Dennɛnu bi tantoli-siginu sala a kilɛ fɛ.’ Wo ma wo karan bɛ, wa?”

Matiyu 9:15

Yisa ya anu yabi ko, “A ye wo burɔ ko mɔgɛ minnu bi kɔnyɔ-masɔɛ rɔ, fananta kɔnyɔ-tigi ye anu fɛ, wonu si di, wa? Wo ti ma mumɛ! Kɔnɔ a wati wa ke, anu ba kɔnyɔ-tigi wo bi anu tɛma tumɛ min, anu si sunyɛ don worɔ.

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.

Yasowa 7:13

Ta mɔgɛ wonu sɛninya ka anu tabɛn alako anu ni anu sɔ n yakɔrɔ sina. Nde, anu benba Isirɛlata Mari Alla ko fan donu bi anu tɛma a bɛnnɛ ka minnu halaki nun. Ni anu ma wonu nabɔ gbɛ rɔ, anu ti ke anu kɛlɛ-nyɔgɛnu nɔla.

Yasowa 8:35

Yasowa ya tɔn wo bɛɛ karan min sɛbɛnɛ Musa bolo mɔgɛ bɛɛ yala, hali musinu anubɛ dennɛnu anubɛ anuna sundan minnu bi anu tɛma.

1 Samuwɛli 16:5

Samuwɛli ya a fɔ ko, “Ade, n nara le dɔrɔn ka sarakɛ bɔ Mari ye. Wo ni wo nyɛrɛ sɛninya iko tɔn ya a fɔ nya min. Wo ni bila n fɛ.” A ya a fɔ Yɛsi anubɛ ala dannu ye wo nya na le fanan ka anu kele saraka-bɔɛ kuma.