Yowɛli 2:10 - ALLALA KUMƐ

¹⁰ Anu kinta-kan ye dugi layɛrɛyɛrɛnna. San-kole fanan bi yɛrɛyɛrɛnna. Tele anubɛ karɛ si fin. Hali lolenu, anu mɛlan ti yen.

Yowɛli 2:10 Iomraidhean Croise

Yaburi 114:7

Ile dugi, i ni yɛrɛyɛrɛn Mari yarɔ, Yakobata Alla, kɔni.

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Aiseya 13:10

Tɔn si sigi lolenuna malan la. Tele si fin banda-ka-dɛ ma. Karɛ si gbɛ.

Aiseya 34:4

San-kole si tunu yen, iko gbolo-kolonɛ la wa mini. Tele wo, karɛ wo, lolenu wo, wo bɛɛ si bunden. Lolenu si to yalanna iko toro-gbɔɛ anubɛ a yanbɛ si a ma nya min.

Aiseya 5:30

Wo tele wa na, anu bi bɔrɔndɔ-bɔrɔndɔla Isirɛla kuma le iko kɔgɔ-yi tenbi tugula a rɔ, wo kan ye nya min. Nyamanɛ kɛ mafɛlɛn! Fɔ pinpi anubɛ tɔrɔya-gbansan, wo le ye a rɔ. Pinpi ara waan yamatogon.

Yɛrɛmaya 4:23

Nde, Yɛrɛmaya ya dugu-kole mafɛlɛn. A rakolɔn filili, ado a pindi-pandi. N ya san-kole mafɛlɛn. Fenfen sa nyɔ fɔ pinpi.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Yowɛli 3:4

Mari ya Filisiti nyamanita-mɔgɛnu anubɛ Taya anubɛ Saidon so-burɔ-mɔgɛnu manyinika, ni anu bi min mala kɛ la, ni anu bi ale Mari tayili sara le la wo rɔ. Nba, ni wo le, ale Mari ko ale fanan si a tayili sara anu na tiriya!

Emɔsi 5:8

“Alla ya lolenu nadan ka anu sigi-tinɛnu tabɛn san-kole rɔ iko a di a ye nya min. Ale le ye suyi yɛlɛmana tele la. Ale le ye tele yɛlɛmana suyi la. Ale le ye yi layɛlɛla san ma ka a labɔn dugu-kole kuma. Ale Mari nyɛrɛ-nyɛrɛ le ye wo mala.

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Matiyu 24:29

“Tɔrɔyɛ wonu ba tenbi tumɛ min, tele la si fin. Karɛ ti gbɛ. Lolenu si bɔ san-kole rɔ ka bui. San-koletɔ-fannu na si maga ka bɔ anu gbɛ rɔ.

Matiyu 27:51

Nba, yorolan min dunnɛ Alla-Bato-Bɔn tɛma, wo farata fila la ka a dabira a kuma ha a kɔrɔ. Dugi yɛrɛyɛrɛnta ha kurinu tatiira.

Kɛwɔlɛnu 2:20

Yanni ale Marila gbiliya-tele-makawani-bɛ ni ke, a ko tele si fin, karɛ si wulen iko yele,

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Lankɛnimayɛ 6:12

Nba, saga-dan ya a li-kɛɛn wɔrɔ nyɔgɛ bɔ gbole wo ma ka a lafulen. N ya wo yen nkɛkuna, dugu-yɛrɛyɛrɛn-ba kɛra. Tele finta iko birinkan-finyɛ. Karɛ yɛlɛmanta ka wulen pui iko yele.

Lankɛnimayɛ 8:12

Wo kɔma, melika nani nyɔgɛ ya ata buri fɛ. Tele faranɛ sigi tina sawa la, wo sigi tina kelan tinyara anubɛ karɛ, a sigi tina sawa nyɔgɛ anubɛ lolenu sigi tina sawa nyɔgɛ. Woletɔ anu ma ke malanna. Tele ma bɔ hawa nani nyɔgɛ kɔrɔ. Karɛ fanan ma gbɛ hawa nani nyɔgɛ kɔrɔ.

Lankɛnimayɛ 9:2

Lole wo ya denka-dan-yenbɛlɛ laka. Ta-sisi ye bɔla a rɔ iko sulubondon-ta-sisi-wɛ. Tele anubɛ fɔnyɔ finta ta-sisi wo bolo min bɔra denka-dan-yenbɛlɛ wo rɔ.