Yowɛli 2:1 - ALLALA KUMƐ

¹ Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Yowɛli 2:1 Iomraidhean Croise

1 Ko-Kɔrɔta-Karan 15:28

Isirɛla mɔgɔ damasi ye tala tɔn-kenkirɛ wo la anu bolo tumɛ min Yerusalɛm soe burɔ, anu bi gbele-gbelenna sewɛ bolo. Tolɔn kɛnɛ a rɔ, a buru wo, a karanya wo, a sɔrɔn wo.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 87:1

Mari ya ata soe datɛgɛ kɔnkɔ-sɛnimɛ kuma.

Bɔ-Koe-Iyipiti 10:14

Kondɔn wonu tugura Iyipiti kan tinɛ bɛɛ kun na. Kebi fɔlɔ wo nyɔgɔn kondɔn ma na bɛ nun, ado wo nyɔgɔn ti na tun.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 13:9

Marita lɔgɔ-latɛgɛnɛ ara gbɛrɛn. Wo wati si a taran, Mari yakɔrɛ sisinɛ dɔgɔma-ma-de! Duninya mumɛ bɛɛ ra si kolonya filili! Hakɛ-tigi bɛɛ si halaki.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Yɛrɛmaya 16:10

Mari ko n ba kumɛ kɛnu fɔ wole, Yuda kɛnu ye tumɛ min, wo si n manyinika ko, “Nfenna Mari ara ko su kɛnu sigi ma la? Ma ara nfen tinya a ma? Ma ya ko-yoge mintan ma mata Mari Alla la?”

Yɛrɛmaya 16:7

Mɔgɔ-wo-mɔgɔ ti na saya-kinɛ la wo ye. Hali min si yi di wo ma, wo ti taran. Hali a ya a taran, mɔgɛ na ani fila a fa bɔra a kuma, a manugu-nɛgɛla ti sɔrɔn.

Yɛrɛmaya 4:5

Mari ko nde, Yɛrɛmaya ni kilayɛ kɛ lake wole, Yuda nyamanɛ anubɛ Yerusalɛm so-burɔ-mɔgɛnu ma. A ko wo ni buri fɛ nyamanɛ mumɛ bɛɛ rɔ ka mɔgɛnu kundɛn wo kulu-mayɛlɛnɛ la. Mari ko wo ni ta sigi so-latankanɛnu tɔ.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Isikiyɛli 12:23

A fɔ anu ye ko wo Tigi Mari le kɛnu wara-koe fɔla wo ye. A fɔ anu ye tun ko n si tɔn sigi anuna sarandi-sɛ wo la. Mɔgɔ ti wo fɔ Isirɛla nyamanɛ rɔ tun. Wo kɔma, a fɔ anu ye ko anu bi min fɔla gbɛ anubɛ anu bi wɔlɔyiya-kumɛ minnu fɔla, anu kan ni bɔ a la ko-rayirɛ wo rɔ. Wo wati ara ke!

Isikiyɛli 21:12

Ile hadama-dan, i dɛ sa-a-rɔ di-kɛ-tinɛ. Faan kɛ ye nna mɔgɛnu denu kan ma, yɔ, ado a ye Isirɛla kun-tiginu fanan kan ma. Wonu fanan bi fagala le iko mɔgɛ doinu. I sisi ratugu yisi-tinya bolo.

Isikiyɛli 30:3

ado nde, Mari ye anu tɔrɔla tele min ma, wo ara gbɛrɛn. Wo si ma tele-finyɛ la sibole bɛɛ ye.

Isikiyɛli 33:3

Wo wa anu yogenu yen nala, a si buri fɛ ka mɔgɛnu nalɔn.

Isikiyɛli 33:6

Kɔnɔ ni kila-kandannɛ wo ya anu yogenu yen nala, a ma sɔn buri fɛla, ni anu yoge nara mɔgɛ do faga, ala mɔgɛnu si a bira ka a tɛgɛ a hakɛ wola ko ma. N fanan si a bira wo yili la.

Isikiyɛli 7:10

“Halakiyi ye nala wole Isirɛla mɔgɛnu ma. Wo ara karagbɛlɛyɛ dan-natenbi. Wo ara wasɛ dan-natenbi.

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Daniyɛli 9:20

N tora matarali-kɛla ka n sɔ mabɛ Isirɛla mɔgɛnu hakɛ la. N bi nta Mari Alla matarala ko a ni ata Bato-Bɔn sɔ-kurɛ-kɛ.

Hoseya 5:8

Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Yowɛli 2:15

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wo ni mɔgɛnu nakundɛn alako anu ni sunyɛ don.

Yowɛli 2:31

Yanni Marita tele-makilannɛ wo ni ke, tele si fin, karɛ si wulen iko yele.

Yowɛli 3:14

Mɔgɔ waga yirika-siyaman nadɛnnɛ Kiti Sa Lɛɛ kɛ rɔ. Marita tele si anu taran lɛɛ wo rɔ.

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Emɔsi 5:18

Nɛbi Emɔsi ya Mari kan latenbi, “Wo ko a sɔgɛ ye wo la, Mari ni na wo kiti kɔnɔ hali wo, a si gbɛlɛya wo kuma. Wo si tɔnɛ nyamintan sɔrɔn wo wati rɔ. Wo tele si ma tɔrɔya-tele la. A ti ma tele-nyimɛ la wo ye.

Emɔsi 8:2

Mari ya nde, Nɛbi Emɔsi manyinika ko, “I ya nfen yen?” N ya a fɔ a ye ko, “Sende le, kɔn-gbɔ-mɔɛ ye a rɔ.” Woletɔ Mari ya a fɔ n ye ko, “Iko kɔn-gbɔɛ kɛ mɔnɛ ye nya min kɛ la, Isirɛla mɔgɛnu kasara-wati ara mɔ wo nya na le.” A ko a ti a fonde yɛlɛma mumɛ fɔ a wa wo kasara le.

Hɔbadaya 1:15

Sibolenu kiti-sa-koe ara gbɛrɛn ale Mari bolo. Wole Idɔm mɔgɛnu bara min ma, a ko anu si na wo nyɔgɔn sigi wole fanan na, yɔ! Wo ya min nyɔgɔn ma, a ko a ye wo le nyɔgɔn mala wo la.

Sɛfanaya 1:14

Marita kiti-tɛgɛ-wati ara gbɛrɛn, ado a ti mɛ! Wo tele si gbɛlɛya kati! Hali kɛlɛ-den-tagbɛlɛmɛnu si di bawo anu yigi ara tɛgɛ tɔrɔya-sufa wonuna ko la.

Sɛfanaya 1:16

Wo wulɔn-tele si ma kɛlɛ-kɛ-buri-fɛ-lunyɛ la. Ma yogenu tenbi donna so-latankanɛnu tɔ tumɛ min, anu si a lawɔyɔ ka na nyamanɛ-kumafɛlɛn-tinɛnu kan ma.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Sakaraya 14:1

Marita kiti-tɛgɛ-tele ara gbɛrɛn. Wo tele nyɛrɛ rɔ, sibolo-gbɛrɛnu si bui Yerusalɛm soe ma ka wola fen-kolomɛnu tala wo ya la.

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Yilan-Yilan Koe 10:2

“I ni wodi-gbɛ gbesi a kin na ka a ma buru fila la ka wonu ma nyama-kele-fan la anubɛ ka dagɛ raka.

Yilan-Yilan Koe 10:3

I wa ban buri wonu nadanna tumɛ min, i ni anu don Arunala den-keinu bolo. Ni a sɔgɛ ye i la ka Isirɛla mɔgɛ bɛɛ ladɛn nta Fani-Bɔn don-dɛ la, anu si buru filɛ wonu fɛ anu nyɔgɔn fɛ.

1 Kɔrɛnti 14:8

Ado nfan, min bi kɛlɛ-buri fɛla, ni wo ma a fɛ a kilɛ fɛ, yon si a rabɛn kɛlɛ-kɛ-koe la?

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

1 Tɛsalonaika 5:2

bawo wo nyɛrɛ ya a lɔn ko Mari na-tumɛ si na iko surɔ-kankan.

Yemesi 5:8

Wole fanan ni wo munyu! Wo ni wo yigi don gbɛn, bawo Mari na-wati ara gbɛrɛn.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

Lankɛnimayɛ 6:17

ado anuna diminya-tele-wɛ ara ke. Yon si to a niyi la wulɔn?”