Yowɛli 1:7 - ALLALA KUMƐ

⁷ Kɛlɛ-dannu bara mala ki-fannu tinya iko kondɔnnu si ki-fannu tinya nya min. Anu bara ban mala ki-fan wonu gbole bɔla a ma ha wonu bara to kolo-gbansan iko tɔnkasɛnu si kɔlɔmanu maka nya min.

Yowɛli 1:7 Iomraidhean Croise

Yaburi 105:33

Wonu ya anuna ki-fannu tinya tɛrr, ka kɔlɔma bɛɛ sa a ma tala.

Bɔ-Koe-Iyipiti 10:14

Kondɔn wonu tugura Iyipiti kan tinɛ bɛɛ kun na. Kebi fɔlɔ wo nyɔgɔn kondɔn ma na bɛ nun, ado wo nyɔgɔn ti na tun.

Bɔ-Koe-Iyipiti 10:15

Anu ya dugi bɛɛsi kumafin siyayɛ bolo. Anu ya nyɔ ki-fan anubɛ yanba-kunyɛ bɛɛsi dɔn banda-kole ya minnu to nun. Hali yanba-kun kelan ma to Iyipiti nyamanɛ wo fenfen tɔ.

Aiseya 24:7

Nɔnbɔ-kurinu na si fɔsɔ. Anu gbɔɛnu, yi ti taran anu tɔ tun! Mɔgɛ min bɛɛ sewanɛ, wonu yisi ma si gboya.

Aiseya 32:12

Wo ni wo kɔgɔ ragbesi yisi-tinya bolo bawo dɔn-fen wo dɔn-fen sa wola wɔli-kɛ-tinɛnu tɔ.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Yɛrɛmaya 8:13

Mari ko a si wola ki-fannu bi wo bolo. Wola ki-fen-gbɔ-wo-gbɔ ti taran a la. Toro-gbɔ-wo-gbɔ ti taran a la. Hali anu yanba-kunyɛ si yalan. Mari ko a ara min bɛɛ di wo ma nun, a si wo bɛɛ toronde wo la.

Hoseya 2:12

A ya ki-fen-gbɔ-hakikɛ min bɛɛ sɔrɔn ala keminɛnu bolo a sarayɛ la, n si wo damasi halaki. N si ala ki-fan bɛɛ ma fɔgbɛ la, ado firarɔ-sogenu si to wonu dɔnna.

Emɔsi 4:9

Mari ko a ya fɔn-kalamɛ lana wola ki-fannu kuma ka anu bɛɛsi lagbala. A ya kondɔnnu natugu wola ki-fannu anubɛ wola fui-fannu kuma ka anu gbenda feu! Hali wo, wo ma sɔn sɛgila Mari ma.

Habakuku 3:17

Hali toro-gbɔ sa a la, hali nɔnbɔ-gbɔ sa a la, hali ɔlifi-gbɔ sa a la, hali ki-fen sa mala-a-la ma bolo, hali mala sagɛ dama fagara, mala wɔrɛ ta ni kolonya

Malakayi 3:11

A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!