Yowɛli 1:4 - ALLALA KUMƐ

⁴ Kondon kurun-siyaman nara ka mala ki-fannu dɔn. Kurɔn doi tenbi min tola, kurɔn doi ye nala wo dɔnna.

Yowɛli 1:4 Iomraidhean Croise

1 Mansɛnu 8:37

“Ni kondɔnnu anubɛ tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, ni wo ma, fui-fannu ma wa fɔsɔ ka kɛrin, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kasarɛ, hali kiraya-yogomɛ ni anu tɔrɔ, ni anu ya i matara, i ni anu makoto.

2 Ko-Kɔrɔta-Karan 6:28

“Ni kondɔnnu, ni wo ma, tunbinu ya a ma, kɔnkɔ-fitinɛ ni nɔ-ko sɔrɔn mɔgɛ kɛnu ma, hali fui-fan la ara kerun, ni anu ya i matara, i ni anu makoto. Ni anu yogenu nara ka anu namini anu kɛlɛ-koe la, ni wo ma, kiraya-yogomɛ ni anu tɔrɔ, ni anu ya i matara, i ni anu makoto.

2 Ko-Kɔrɔta-Karan 7:13

Ni n ya yili kiri bandɛla nɛ la wo, ni n ya kondɔnnu nana ka wola ki-fannu dɔn wo, ni n ya kiraya-yogomɛ latenbi nna mɔgɛnu ma wo, n ba wonu ma tumɛ min,

Yaburi 105:34

Alla kumara nya min wo, kondɔnnu tugura anu kan ma. Anu siya ha ka a dan-natenbi.

Yaburi 78:46

A ya kondɔnnu natugu anuna dɔn-fannu kun na. Wonu ya anuna dugi makolonya filili!

Bɔ-Koe-Iyipiti 10:4

Ni i ya i ban ata mɔgɛnu boloka-koe ma, sina a si kondɔnnu nana ila nyamanɛ rɔ.

Bɔ-Koe-Iyipiti 10:5

Wonu si siyaya ka dugi kumafin ha mɔgɛnu ti ke ka dugu-kole yen tun. Anu si siyaya hali wo benbanu benbɛnu ma min nyɔgɛ yen bɛ kebi duninya danta wati min. Banda-kole ya ki-fan minnu to, kondɔnnu si wo dama dɔn, hali yanba-kunyɛ minnu bi ila dugi rɔ. Kondɔn wonu si ila bɔnnu anubɛ ila mɔgɔ-banuna bɔnnu nafa hali ila nyamanita-mɔgɛnuna bɔnnu.” Musa ya a bɔ ale mansɛ dafɛ ka ta a ye.

Aiseya 33:4

Wo si wo yogenu bolo-fannu toronde anu na iko tunbinu bi binyɛnu banna nya min.

Yɛrɛmaya 51:14

Mari Sɛnbɛ-Bɛɛ-Tigi ara a keli ko a si sibolo-siyaman natugu Babilɔn kɛnu kan ma iko kondɔnnu. Anu si anu dɛ bolobɔ ko anu bara Babilɔn nɔ.

Yɛrɛmaya 51:27

A ya a fɔ Babilɔn yogenu ye ko, “Wo ni falafalɛ layɛlɛ tamasereyɛ la ka kɛlɛ-buri fɛ alako sibole bɛɛ ni a lamɔɛn. Ararati nyamanita-mɔgɛnu wo, Mini nyamanita-mɔgɛnu wo, Asikɛnasi nyamanita-mɔgɛnu wo, wo dama ni wo rabɛn kɛlɛ-kan ma. Wo ni kɛlɛ-kurugba kelen bɔ min si sɔ kɛlɛ yarɔ. Wo ni soeenu natugu Babilɔn kɛnu ma iko kondɔnnu. Sibole bɛɛ ni a mabɛn Babilɔn kɛlɛ-kan ma.

Yowɛli 2:25

Kɛlɛ-dannu bara wo foo min bɛɛsi la san-dande kɛnu kɔrɔ, a ko a si wo bɛɛ lasɛgi wo ma. A ko ale le nyɛrɛ-nyɛrɛ ya kɛlɛ-dan wonu nana wo kan ma nun.

Emɔsi 4:9

Mari ko a ya fɔn-kalamɛ lana wola ki-fannu kuma ka anu bɛɛsi lagbala. A ya kondɔnnu natugu wola ki-fannu anubɛ wola fui-fannu kuma ka anu gbenda feu! Hali wo, wo ma sɔn sɛgila Mari ma.

Emɔsi 7:1

Nde, Nɛbi Emɔsi ko Allatala ya ko-rayirɛ do kɛ n ye. N ya a yen, Isirɛla mɔgɛnu ban-san le anuna dɔn-fen-kun-fɔlɛnu tɛgɛla ka anu di mansɛ ma. Anuna sɛnɛ-bɛ minnu tonɛ, n ya a yen, kondɔnnu bara na ka kɛ wonu ma saf!

Malakayi 3:11

A ko a ti sɔn tunbinu ni wola ki-fannu tinya. Wola ki-fannu si gbɔ tisikiri!

Tɔn-Fɔɛ-Fila-Nyɔgɛ 28:38

“Yanni wo ni ma, wo si fen-siyaman fui kɔnɔ ko ti bɔ anu tɔ kamasɔrɔn kondɔnnu si anu dɔn sa!

Tɔn-Fɔɛ-Fila-Nyɔgɛ 28:42

Kondɔnnu si na ka wola ki-fan damasi dɔn tɛrr!