Yona 1:3 - ALLALA KUMƐ

³ Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.

Yona 1:3 Iomraidhean Croise

Ko-Dabirɛnu 3:8

Wurɛ wo la, anu ya Mari Alla na-kan lamɔɛn nakɔɛ rɔ. Woletɔ anu ya anu buri Mari Alla kɔrɔ ka ta anu dogon kɔlɔma-kurinu kɔma.

Ko-Dabirɛnu 4:16

Ken bɔra Mari fɛ ka ta Yilan-yilan Tinɛ Idɛn nakɔɛ tele-bɔɛ wara la.

1 Mansɛnu 19:3

Nɛbi Ilaya kilanta dɔgɔma-ma-de! A ya a buri. Anubɛ ala wɔli-kɛlɛ tara Biri-Siba soe burɔ Yuda nyamanɛ rɔ. Anu ke nyɔ, a ya ala wɔli-kɛlɛ wo to nyɔ.

1 Mansɛnu 19:9

A ke Sinayi kɔnkɛ kuma, a tara ki faran do la. A ma mɛ, Mari ya a fɔ a ye ko, “Ilaya, i ye nfen mala yan tɔ?”

2 Ko-Kɔrɔta-Karan 2:15

Kaka, i wara n yili-madiya fui-fan anubɛ nɔnbɔ-gbɔ-yi anubɛ ɔlifi-tuli minnuna ko la kɛ la, i ni wonu nana n ma.

2 Ko-Kɔrɔta-Karan 2:16

Nna wɔli-kɛlɛnu si kɔlɔmanu tɛgɛ Lɛbanan kɔnkɛnu ma ka ta anu na kɔgɔ-yi dafɛ. Anu si anu kiri anu nyɔgɔn ma iko bɛndɛ ka anu nata yi kuma fɔ Yapa soe tɛgɛn-dɛ la. Ileta mɔgɛnu si anu bi nyɔ ka ta anu na Yerusalɛm soe burɔ.”

2 Ko-Kɔrɔta-Karan 9:21

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta, san fila a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Yobu 1:12

Mari ya a fɔ ale Setanɛ ye ko, “Tana ma wo la. Ko-wo-ko di i ye, i ni wo ma a bolo-fannu na kɔnɔ i kana ko-wo-ko ma ale Yobu nyɛrɛ la.” Setanɛ bɔra nyɔ.

Yobu 2:7

Setanɛ ya a bɔ Mari dafɛ. A ya a ma, sumunɛ tara fɛrɛnna Yobu fɛrɛ bɛɛ ma purususu!

Yaburi 107:23

Donu taranta sigini kɔgɔ-yi-kuma kulɔnnu tɔ. Anu bi anu beli-fan sɔrɔnna yi kuma nyɔ le.

Aiseya 2:16

Hali anuna kulun-belebele-hakikɛnu, a si wonu natunu yi kɔrɔ.

Aiseya 23:1

Sarakanɛ le kɛ la Taya kɛnuna ko la. Wole kulun-tawɔli-kɛlɛ minnu bi kɔgɔ-yi kuma, wo ni wo dɛ bolobɔ di-kɛ-tinɛ. Wo bɔra Taya soe min tɔ, wo ara kasara pɔ! Nyɔ-bɔnnu wo, a kulun-nasɔ-tinɛ wo, wo bɛɛ ara tinya pɔ! Wo wa sɛgi ka bɔ Saiparasi tumɛ min, wo si a mankan lamɔɛn.

Aiseya 23:10

Wole Taya kɛnu, fɔ wo wa ma sɛni-salɛnu na iko Iyipiti kɛnu bi nya min bawo kulun-nasɔ-tina woo sa wola nyamanɛ rɔ tun.

Aiseya 23:6

Wole Tasisi kɛnu, wo ni wo dɛ sa-a-rɔ di-kɛ-tinɛ ka a tɛgɛ Taya bu-koe ma. Wo sɛgi wo warɛ Sipeni nyamanɛ rɔ.

Aiseya 60:9

Mɔgɛnu bi bɔla wula-yan-bɛ la ka na Allata mɔgɛnu na a ma. Anu si na kulɔnnu tɔ ka bɔ Tasisi nyamanɛ rɔ. Wonu si i sanba sɛnɛ anubɛ wodi-gbɛ la. Kɛ dama ye nala mala le alako ita Mari Alla ni gbiliyɛ sɔrɔn. Isirɛlata Alla-sɛnimɛ le. A ye kabana-koenu mala ile Yerusalɛm ye.

Yɛrɛmaya 10:9

Wodi-gbɛ min bɔra Tasisi soe burɔ, wo sanɛ anuna bɛsɛnu ma. Sɛnɛ-hakikɛ min bɔra Yufasi soe burɔ, wo sanɛ anuna bɛsɛnu ma. Siyakinu anubɛ nunakɛnu denu dɔrɔn bolo-gbɛ ye wonu ma. Anu bi fani-bilolamɛ anubɛ fani-finyɛnu mala bɛsɛ wonu makiri-fannu na. Yese-danna-kɛwuntenu denu bi wonu nadanna.

Isikiyɛli 2:8

“Ile hadama-dan, i tole masɔ nna kumɛ la. Ile kana murutiya iko anu denu. N bi nala min dila i ma, i ni i dɛ laka wo dɔn-tinɛ.”

Isikiyɛli 27:12

“Taya kɛnu ya yilaya-subolo-siyaman kɛ Sipeni nyamanɛ rɔ. Wonu ya anuna wodi-gbɛ anubɛ dandakuyi anubɛ nɛgɛ-subolo donu felen anu ma.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Yona 1:10

A ya a buri Mari kɔrɔ nya min, a ya wo rakaran anu ye. Kulun-tawɔli-kɛlɛnu kilanta, anu ko, “I wara ko-yogomɛ le ma kɛ la.”

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Luka 9:62

Yisa ya a fɔ wo ye ko, “Mɔgɔ-wo-mɔgɔ ya sara-ninki bi dugu-wɔrɔ tinɛ, ni a tora a yɛ lasɛgila a kɔma, wo ti bɛn Allala mansayɛ ma.”

Kɛwɔlɛnu 15:38

kɔnɔ Pɔli yala, a ma bɛn wo ni ta anu fɛ bawo a ma ke ala wɔli labanna nun. A sɛgira nun ka anu boloka Pamfiliya nyamanɛ rɔ.

Kɛwɔlɛnu 26:19

“Woletɔ Mansa Agaripa, ko-rayirɛ min bɔra san-kole rɔ, n ma wo masɔsɔ.

Kɛwɔlɛnu 9:36

Musi do fanan bi Yapa soe burɔ nun, wo tɔgɛ Tabita. Dɛnkɛninya-mɔgɛ le. (Kiriki-kan rɔ, a tɔgɛ le Dɔrɔkasi. Wo kɔrɛ le “Mina.”) A ya ala wati bɛɛ kɛ ko-nyimɛ kɛ-koe la bolo-kolɔnnu dɛnbɛn tinɛ.

Kɛwɔlɛnu 9:38

Yapa soe anubɛ Lida soe tɛmɛ ma fɛ-yan. Yisata mɔgɛ minnu bi Yapa, wonu ya a lamɔɛn tumɛ min ko Pita ye Lida soe burɔ, anu ya anu sara kemini mɔgɔ fila la. Anu ya wonu nata a ma ko, “I yandi, i ni na ma wara tiriya!”

Kɛwɔlɛnu 9:42

Koe kɛ mankan nyɛnsɛnta Yapa soe burɔ kan tinɛ bɛɛ. Mɔgɔ siyaman dɛnkɛninyara Mari ma wola ko la.

Kɛwɔlɛnu 9:43

Pita ya tele siyaman bɔ kei do warɛ Yapa min tɔgɛ Saimon. Wo si karankɛ-wɔlɛ kɛ.

1 Kɔrɛnti 9:16

N bi kibara-nyimɛ lakela min kɛ, yo-wo-yo sa n bolo ka n nyɛrɛ matɔgɔ wola ko la bawo Alla le ya a fɔ n ye ko n ni wo ma, ado ni n ma kibara-nyimɛ lake, a si gbɛlɛya n kuma gben!

2 Tɛsalonaika 1:9

Anu si habadan-tɔrɔyɛ sɔrɔn. Anu ti gbɛrɛn Mari anubɛ ala gbiliya-makawanɛ ma.

Yasowa 19:46

Mayarakɔn, Rakɔn anubɛ nyamanɛ min bi Yapa soela foolɛ rɔ.