Yɛrɛmaya 9:7 - ALLALA KUMƐ

⁷ Woletɔ Mari Sɛnbɛ-Bɛɛ-Tigi ko a si wole, Yuda kɛnu nakɔrɔsi iko mɔgɛ si nɛgɛ lakɔrɔsi tɛ la nya min. A ko wole, ata mɔgɛnu bara ko-yogomɛ ma min kɛ, a si nfen ma wo la?

Yɛrɛmaya 9:7 Iomraidhean Croise

2 Samuwɛli 13:26

Wo kɔma, Abasalɔm ya a fɔ a ye ko, “Nba, n fa, ni ile ma ta, i ti a ma, ila den Aminɔ ni bila ma fɛ?” A fa ya a fɔ a ye ko, “Nfenna ale ye tala?”

2 Ko-Kɔrɔta-Karan 36:15

Anu benbanuta Mari Alla tora nɛbinu nanala anu makawandi tinɛ bawo a sɔgɛ ye a la, a ni ata mɔgɛnu anubɛ a Bato-Bɔn lakisi.

Yaburi 120:4

A ye wo tɔrɔla kɛlɛ-dannu kalabɛn-lasulennɛ anubɛ ta-wɔlɔn le la!

Yaburi 55:22

Mɔgɛ bɛɛ ni ala kɔndɔfili don Mari bolo. Ale si wo kumafunfan. A ti sɔn mɔgɔ-telennɛ bu-koe ma.

Yaburi 62:5

N yɛ bɛnnɛ ale Alla kelen pe le ma. N yigi bɛɛ sanɛ ale le tɔ.

Aiseya 1:25

A ko fɔ a wa maga wo la. A ko a si wo lalee iko mɔgɛ wa sɛnɛ sa tɛ rɔ, a ye wo boe bɔla a kɛndɛ yala nya min.

Aiseya 48:10

A ko a ara wo kɔrɔbɔ tɔrɔyɛ la ka wo sɛninya iko wodi-gbɛ si sɛninya tɛ la nya min kɔnɔ ko ma bɔ a rɔ.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Yɛrɛmaya 6:27

Mari ko a ara nde, Yɛrɛmaya ma sulubondon-sɔlɛ la. A ko wole, ala mɔgɛnu mani de iko nɛgɛ ye bɔla kuri min tɔ. A ko n ni wo lakɔrɔsi tɛ wo rɔ ni nɛgɛ le wole la.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Malakayi 3:3

A si kiti sa a kilɛ fɛ iko siyaki min bi wodi-gbɛ laleela ka a bɛrɛ bɔ a boe yala. Iko siyaki ye sɛnɛ anubɛ wodi-gbɛ sɛninyala nya min, Mari si saraka-masɔlɛnu fanan sɛninya wo nya na le. Woletɔ saraka-masɔlɛ wonu si ke saraka-hakikɛnu bɔla Mari ye.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Pita 4:12

N diyana-mɔgɛnu, wo ye tɔrɔya-belebele min sɔrɔnna kɔrɔbɔlɛ rɔ, wo kana kawa wola ko la. Ko-kura ma wo la iko min nyɔgɔn ma duri kɛla.