Yɛrɛmaya 9:6 - ALLALA KUMƐ

⁶ Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Yɛrɛmaya 9:6 Iomraidhean Croise

Hɛnkilimaya-Kumɛnu 1:24

N bara wo rakele-siyamɛ kɛ kɔnɔ wo sa wo tole masɔla n na. N bɔrɔ sa wo ye.

Hɛnkilimaya-Kumɛnu 1:29

bawo wo ko wo mako sa ko-lɔn la, ado wo sa sɔnna Mari gbiliyala.

Aiseya 1:25

A ko fɔ a wa maga wo la. A ko a si wo lalee iko mɔgɛ wa sɛnɛ sa tɛ rɔ, a ye wo boe bɔla a kɛndɛ yala nya min.

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 4:4

Mari si kiti sa ka Yuda nyamanita-mɔgɛnu sɛninya. Ata sɛnbɛ si Yerusalɛm yele ku a ma ka yiliki bɔ a ma.

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 11:19

N mani de anu yala nun iko anu bi saga-den-makimanɛ min kan-natɛgɛ-koe rɔ. N ma a lɔn nun ko anu si yanfɛ don n ma. Anu bi a fɔla ko, “Ma ni kɔlɔma kɛ anubɛ a gbɔɛ kasara. Ma ni a faga. Wo si a ma, mɔgɛnu ni nyina a ko salon!”

Yɛrɛmaya 13:10

A ko wole, kalabantenu sa sɔnna wo tole masɔla ata makawandili-kan la. Wola tolo-gbɛlɛyɛ le ye a mala, wo ye wo nyɛrɛ diyana-koenu mala. Wo ye bɛsɛnu kɔla, woletɔ wo ye mala iko kufama kɛ. Wo ti ko-wo-ko nyinya mɔgɛ ma.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 5:27

Iko sansan lafanɛ sisinu na nya min, ka a tɛgɛ anuna yanfanteyɛ la, karagbɛlɛ kɛnu bara anuna bɔnnu nafa kankanya-fannu na wo nya na le. A bɛɛ ara ma-a-la kankanya-fan le tɔ.

Yɛrɛmaya 8:5

Nfenna wole, Yuda kɛnu bi samala, wa? Nfenna wole, Yerusalɛm kɛnu sa wo sɛgila kilɛ ma? Wo lanɛ foninyɛnu denu na, wota bɛsɛnu, kɔni. Wo ya wo ban sɛgi-koe ma.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

1 Kɔrɛnti 15:34

Wo ni wo hɛnkili masɔ ka fara hakɛ la. N ya a fɔ min kɛ ko donu bi wo tɛma, wonu ma Alla lɔn, miliya-koe le wo la.

1 Samuwɛli 2:12

Ilayita den-keinu kalabante. Anu ti sɔn Mari gbiliyala.