Yɛrɛmaya 9:5 - ALLALA KUMƐ

⁵ Bɛɛ ye foninyɛ fɔla a diyana-mɔgɛ kan ma. Tonya-fɔla fenfen sa anu tɔ. Wole Yuda kɛnu bi wo nagan nadurula foninya-fɔɛ ma. Hakɛ ara wo rafaga kɔlɔbɔ!

Yɛrɛmaya 9:5 Iomraidhean Croise

Ko-Dabirɛnu 19:11

Melika wonu ya fan do latenbi nyama wonu yakɔrɔ bilili! Anu fiyonyara kelenna! Dɛ tora-a-rɔ anu ma.

Yobu 11:3

Ila kun-takolonya-kumɛ kɛnu kana a ma, ma ni ma rade. Ni i ye mɔgɔ-lafɛya-kumɛ fɔla, wo si a to, ma kana i sɔsɔ worɔ, wa?

Yobu 15:5

Ila kuma-nya ara a yira n na ko i karagbɛlɛ. Kuma-fila-fɔlɛ le ile la ila kɛwuyɛ rɔ.

Yaburi 140:3

Anu dɛ-marɛ ye a la iko duguma-fantɛ. Anu kuman-kan mani de iko birɛ wa a duri pusen.

Yaburi 50:19

“Kuma-yogoma-fɔɛ di wo ye tuma-wo-tuma. Tamayi sa wo la foninya-fɔɛ rɔ.

Yaburi 52:3

Ko-yogomɛ di i ye ko-nyimɛ ko. Foninya-fɔɛ di i ye tonya-fɔɛ ko.

Yaburi 64:3

Anu bi anu nagan dɛ lasala iko faan. Anu bi kuma-yogomɛnu nakɛla n ma iko kalabɛn.

Yaburi 7:14

Wo ara a yen, mɔgɔ-yogomɛnu si buyi bi karagbɛlɛyɛ la, ko-yogomɛ ni to koloyala a burɔ, a si muin tɔrɔyɛ anubɛ yanfanteyɛ la mɔgɛnu ye.

Hɛnkilimaya-Kumɛnu 12:5

Mɔgɔ-latelennɛ le si a miri telenbagayɛ ma kɔnɔ mɔgɔ-yoge-miriya bɛnnɛ yanfanteyɛ le ma.

Hɛnkilimaya-Kumɛnu 4:16

Ko-yogoma-kɛlɛnu ti anu sa fɔ anu ba ko-yogomɛ ma. Anu ti ke kinɔgɔla ni anu ma ko-yogomɛ ladan.

Aiseya 5:18

Gbalo ye wo ma bawo wo ti ke wo nyɛrɛ purukulula hakɛ kɔrɔ.

Aiseya 57:10

Wo ye wo kunyɛ donna bɛsi-kura-nyinɛ rɔ, ado wo sa bandanna. Wo ye a yenna min kɛ, kisimiriya-bɛsɛ wonu bi wo dɛnbɛna, woletɔ wo kan ta ma kun.

Yɛrɛmaya 12:13

Mɔgɛnu si fui-fan fui kɔnɔ anu ti fenfen tɛgɛ binyɛ kɔma. Anu si wusi tirindi kɔnɔ ko-wo-ko ti bɔ anu tɔrɔ-gbɛ wo rɔ. Anu si miliya anuna dɔn-fen-sɔrɔnbɛlitayɛla ko la kɔgɔrɔyɔlɔ! N yisi-bɔɛ le ye a mala, kɛ dama ye nala sigila anu ma.”

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Yɛrɛmaya 13:23

Mɔgɔ ti ke a fɛrɛ yɛlɛmana. Kuli fanan ti ke a manyɛgannɛ bɔla a ma. Wole Yerusalɛm kɛnu fanan bi wo nya le. Wo ti ke yɛlɛmana tun ka ko-nyimɛ kɛ. Wo ye karagbɛlɛyɛ le la tolon!

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 51:58

Babilɔn tara-layan-bɛ si gbesi dugi la fugbu! A don-da-layan-bɛnu si mintan gburr! Sibole bɛɛ tɔrɔta min sɔ-tinɛ, tɛ si wo firan fegba! Mari Sɛnbɛ-Bɛɛ-Tigi kan le kɛ la.

Yɛrɛmaya 51:64

I ni a fɔ ko, ‘Kɛ le ye sigila Babilɔn kɛnu ma. Anu si yigi yi kɔrɔ, anu ti yɛlɛ tun ka a tɛgɛ Marita kasarɛ ma anu kan ma.’ ” Yɛrɛmayala kuma laban le kɛ la.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Yɛrɛmaya 9:3

Mari ko wo dɛ ye kumɛ filila mɔgɛ ma iko kalɛ. Foninyɛ ye gbanna wo dɛ rɔ iko kalabɛn. Sɛnbɛ ye foninyɛ bolo nyamanɛ rɔ ka tenbi tonyɛ la. Wo tenbi wo kian bɔla ko-yogoma-kɛ rɔ, wo ye wo kian bilala dogbɛrɛ tɔ. Mari ko wo ma a lɔn min bi ale la.

Yɛrɛmaya 9:8

Wo nagan manɛ kalabɛn-nasulennɛ la. Wo dɛ ye foninyɛ fɔla tolon! Wo bɛɛ ye a da le le fɔla a sigi-nyɔgɛ ye kɔnɔ wo burɛ ye wo burɛ la. Yaga, wo ye ko-yogomɛ sigi-koe rɔ wo ta-nyɔgɛnu ma!

Isikiyɛli 24:12

“Hali n ya wo dama ma, tɛ ti ke nɔgɛ wo damasi mintanna ka a ban.

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Maika 6:3

Wole Marita mɔgɛnu, Mari ko a ya nfen ma wole la? A ya wo niyi ragbɛrɛn wo ma nya min, wo ni wo fɔ.

Habakuku 2:13

Wo ya mɔgɛ minnu bira kɛlɛ rɔ, wo ya anu fɛrɛ tinya wɔli-fufafui kɛla wo ye. Wonu ya fan min bɛɛsi ladan wo ye, tɛ si wonu ban fegba! Mari Sɛnbɛ-Bɛɛ-Tigi le ye wo mala.

Malakayi 2:10

Wole Yuda mɔgɛnu, kɛmɔgɔni-kelan-sɔrɛ le ma dama la. Alla kelen de ya ma dama ladan. Ni tonyɛ le wo la, nfenna ma si mala lanyiri tinya ma nyɔgɔn bara la? Nfenna Alla ya sarama-kan min kiri ma benbanu ye, ma si tɛgɛ wo rɔ?

Ɛfɛsa 4:25

Wo kana foninyɛ fɔ tun! Bɛɛ ni tonyɛ fɔ anu nyɔgɔn ye bawo Kirasiti bagbu kelen de ma dama la.

1 Timoti 4:2

Yanfantenu si foninya-karan wo nyɛnsɛn. Anu sɔndɔmɛ faganɛ iko fɛrɛ min bara mintan kɔrɔma la nɛgɛ-kalamɛ bolo. Woletɔ anu ti ko-nyimɛ anubɛ ko-yogomɛ dan-nafarɛ lɔn.

Kɛlɛ-Kurugbɛnu 2:10

Isirɛla mɔgɛ minnu ya Marita kabana-koenu yen anu yɛ la, wonu fagara tumɛ min, anuna dan minnu ma Marita kabana-koe wonu yen, wonu ma Mari bato-nya lɔn.