Yɛrɛmaya 9:24 - ALLALA KUMƐ

²⁴ Ni nyɛrɛ-matɔgɔ-sɔgɛ ye min na, wo tigi ni a fɔ ko ale le ya ale Mari lɔn a kila-bɛrɛbɛrɛ fɛ. A ni a diya-a-la ko ale Mari le ata Mari la. A ni a diya-a-la ko Marita keninteyɛ kolo, ado a telenta. A ni a diya-a-la ko Mari ye ko-telennɛ le mala dugu-kole kuma. Mari ko matɔgɔ-sufa wo le ye a diya donna ale rɔ. Mari kan le kɛ la.

Yɛrɛmaya 9:24 Iomraidhean Croise

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Yaburi 34:2

N si a tanto ala kɛwɔli-nyimɛnuna ko la. Minnu bi yakɔrɔ-mamɔɛ rɔ, alamɛ wonu ya anu tole masɔ ka sewa.

Yaburi 34:3

Wo ni kofu n ma Mari gbiliya tinɛ. Ma ni a tanto ma nyɔgɔn fɛ wona.

Yaburi 44:8

Ma si to i tantola dɛɛ! Ma si to baraka birala i ye burubukai!

Yaburi 44:9

Kɔnɔ i wara i ban ma la kaka. I wara a ma, anu bara ma nɔ. I sa tala mala kɛlɛ-dannu fɛ tun mumɛ!

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Yaburi 99:4

E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

Aiseya 20:5

Mari ko minnu lanɛ Sudan kɛnu na, ni wo ma, ka Iyipiti kɛnu matɔgɔ, wonu si to kɔgɔrɔyɔlɔ yisi-tinya bolo.

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Aiseya 45:25

Ale Mari ko a si Yakoba kebilɛ bɛɛsi kunyɛ bɔ gbaran rɔ, ado anu dama si tantolɛ di a ma.

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Yɛrɛmaya 22:16

A ko a fa wo taranta bolo-kolɔn anubɛ fugarɛnu dɛnbɛna wulɔn. Woletɔ a wara-koe bɛɛ tara a kilɛ fɛ. A ko ale Mari lɔn kɔrɛ le wo la.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Luka 10:22

“N Fa ara fan bɛɛ dantɛgɛ n ma. Mɔgɔ-wo-mɔgɔ ma nde, ala dan lɔn fɔ n Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.”

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

1 Kɔrɛnti 1:31

Iko a sɛbɛnɛ Allala kitabu rɔ nya min ko, “Ni min bi a nyɛrɛ matɔgɔla, Mari ara min kɛ a ye, a ni to wo le fɔla mɔgɛnu ye.”

2 Kɔrɛnti 10:17

Kɔnɔ iko a sɛbɛnɛ Allala kitabu rɔ nya min ko, “Min bi a fɛ ka wasi, Mari ara min kɛ a ye, a ni wasi wo le tɔ.”

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Kalesiya 6:14

Kɔnɔ nde si n kɔgɔ raka ma Mari Yisa, Allata-Mɔgɔ-Yabɔnɛ faga-kɔlɔma dɔrɔn dela ko la. Ka a tɛgɛ ata fagɛ kɔlɔma ma, nde faganɛ duninya rɔ, duninya fanan faganɛ nde rɔ.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.