Yɛrɛmaya 9:2 - ALLALA KUMƐ

² Alako bon-nɛ taranta n bolo wulɛ rɔ nun, n si to n dan na kan min. Ni wo mara, n si ke bɔla le wole, nta mɔgɛnu tɛma worɔ. N si n masɛgi wo la worɔ. N bi wo mala bawo wo do-wo-do ma telen Alla ye. Wo dama ara wo kan-kɔ sɔ Mari la.

Yɛrɛmaya 9:2 Iomraidhean Croise

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Yɛrɛmaya 12:6

I ye minnu yasere-masala kɛ la, i na-kelen-nyɔgɔ-bɛrɛbɛrɛ le wonu na. Hali i kebilɛ nyɛrɛ, anu bi dɛdɛ rasala i ma. Wonu denu bi i kan ma. Woletɔ hali anu bi kuma-teleka-telekɛnu fɔla i ye, i kana la anu na.

Yɛrɛmaya 13:22

Wo ni wo nyɛrɛ manyinika, wo ni a fɔ ko, “Nfen bi a tola, kɛnu bi mala ma la?” Wo hakɛ le ye a mala, wonu bi sigila ma ma, yɔ! Ka a tɛgɛ wo hakɛ wonu ma, anu ya wola kurɛ tɛgɛ wo la. Woletɔ anu buira wo ma ka digin wo ma.

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Yɛrɛmaya 5:11

Mari ko wole, Isirɛla mɔgɛnu anubɛ Yuda mɔgɛnu ma wo telen a ye. Ale Mari kan le kɛ la.

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Hoseya 5:7

Wo ma wo telen Mari ye muk! Wola dannu ma ko-wo-ko lɔn Alla wara-ko rɔ. Woletɔ a ti mɛ tun, a si wobɛ wola nyamanɛ kasara pɔ!

Hoseya 6:7

“Sarama-kan min bi wole anubɛ nde, Mari tɛma, wo ya wo tinya tiriya iko ma benba Hadama ya a ma nya min.

Hoseya 7:4

Setani-mɔgɛ le wo dama la. Wo telenni ma mansɛ ye. Wola koninteyɛ mani de iko mɔgɔ wa ta-wɔlɔn bɔ ta-kɔnɛ kuma.

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.

Malakayi 2:11

Wole Yuda kɛnu bara lanyiri tinya Alla wara la ka ko-yogoma-belebele do ma Yerusalɛm soe burɔ. Wo ma a ma nyɔ dɔrɔn tɔ. Wo ya a ma wola nyamanɛ mumɛ le tɔ! Wole Yuda kɛnu bara Bato-Bɔn wo latinya bawo wo ara sibolo-gbɛrɛ-musinu furu, ado musi wonu bi bɛsɛnu kɔla. Bato-Bɔn wo di ale Mari ye de!

Malakayi 2:14

Wo ye a fɔla ko, “Nfenna Alla sa sɔnna mala sarakɛnu na tun?” Ni i ya a yen, Alla sa sɔnna wola sarakɛnu na bawo wobɛ wola musinu ya lanyiri min kiri wo nyɔgɔn tɛma wo tumɛ wo dennɛ, wo ara wo tinya. Wo ya lanyiri kiri Alla yala ko wo ti wola musinu boloka, ado wo makofu le musi wonu na. Wo ya lanyiri kiri Alla yala ko wo si to lanayɛ rɔ wola musi wonu ye.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.

Kɛlɛ-Kurugbɛnu 2:10

Isirɛla mɔgɛ minnu ya Marita kabana-koenu yen anu yɛ la, wonu fagara tumɛ min, anuna dan minnu ma Marita kabana-koe wonu yen, wonu ma Mari bato-nya lɔn.