Yɛrɛmaya 9:12 - ALLALA KUMƐ

¹² N ya nyinikalɛ kɛ, n ko nfenna wɔli-kɛ-tinɛnu tinyanɛ? Nfenna nyɔ ara ma iko wula-da-rakolɔn, mɔgɛ ti tenbi kan min? Hɛnkilimɛ mintan si ke koe kɛnu kɔrɛ nya-yenna? Marita karan-dan yon si ke a miriyɛ kɛ rakaranna?

Yɛrɛmaya 9:12 Iomraidhean Croise

Yaburi 107:43

Hɛnkilimɛnu ni anu hɛnkili to kumɛ kɛ ko ka anu miri Marita keninteya-dannatɛgɛbɛlɛ ma.

Aiseya 42:23

Mari ko, “Wole do si wo tole masɔ kɛ la? Ka a dabira bi ma, wo si wo tole masɔ a kin na?”

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 23:16

Mari Sɛnbɛ-Bɛɛ-Tigi ya a fɔ wole, Yerusalɛm kɛnu ye ko wo kana wo tole sigi nɛbinu kan kɔrɔ. Nɛbinu bi wo buyi lafala foninyɛnu na. Ko-rayirɛ minnu bi nala nɛbi wonu kunyɛ rɔ, anu bi wo le fɔla, ado Mari miriya ma wo la feu!

Yɛrɛmaya 23:22

Ni anu ya a gbundu-koe lɔn nun, a ko anu si ala kilayɛ lake wole, ata mɔgɛnu ma nun a kilɛ fɛ. Wo si a ma, wole, ata mɔgɛnu bi sɔn-yogoyɛ min kun na, wo ni wo fara wo la.

Yɛrɛmaya 23:28

A ko nɛbi wa kiyo, a ni a fɔ ko a ara kiyo-gbansan le sa. Kɔnɔ Mari ko nɛbi ye min namɔɛnna ale Mari la, a ni wo le takaran a kilɛ fɛ. A ko fui-fan anubɛ a yanbɛ, kelen de wonu na, wa?

Yɛrɛmaya 9:20

Nde, Yɛrɛmaya ya a fɔ wole, Yuda nyamanita musinu ye ko wo ni wo tole masɔ Marita kumɛ la. Wo ni wo tole laka ka ale Mari kan lamɔɛn. Wo ni wola dunmusinu nabila yerelen-tɛgɛ-bole ma. Wo ni wo nyɔgɔn karan mamusi-sigi la.

Isikiyɛli 14:23

I ye a lɔnna wo wati le tɔ ko wo ma-kɔrɛ ye n bolo. Nde, wo Tigi Mari kan le kɛ la.”

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Hoseya 4:10

Hali wo ye wo niyi sɔrɔnna sarakɛnu tɔ, kɔnkɛ ti bɔ wo la. Hali wo kira dan nyinina wo kun-da-filɛ bɛɛ la, wo ti a sɔrɔn bawo wo ara nde, Mari boloka ka bila bɛsɛnu fɛ.”

Yowɛli 1:11

Wole sɛni-salɛnu, wo di soee, bawo wola sɛnita-fannu bara tinya pɔ! Wole ki-fen-kilɛnu, wo dɛ sa-a-rɔ lungbɔn, bawo wola ki-fannu na ara gbala nyawo! Ki-fannuna gbalɛ, wo le ya a ma, mɔgɛnu yisi ma ara gboya.

Sɛfanaya 3:6

Mari ko ka a tɛgɛ wole, Isirɛla mɔgɛnuna ko ma, a ara sibolo-siyaman nato nun dogbe! A ya anuna soenu kasara ka anuna tarɛnu anubɛ anuna nyamani-kumafɛlɛn-tinɛnu tinya pɔ! Anuna soenu mara tonbon-bɛrɛbɛrɛ la.

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.

Lankɛnimayɛ 1:3

Mɔgɔ-sewanɛ le wo mɔgɛ la min bi kitabu kɛ karanna. Mɔgɔ-sewanɛ le wonu na minnu bi anu tole masɔla wɔlɔyiya-kumɛ kɛnu na anubɛ min sɛbɛnɛ kitabu kɛ rɔ ka wonu bira, ado koe kɛ bɛɛ kɛ-tumɛ ara gbɛrɛn.