Yɛrɛmaya 9:11 - ALLALA KUMƐ

¹¹ Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Yɛrɛmaya 9:11 Iomraidhean Croise

Nihɛmaya 4:2

A kɛnɛna a fɔla a na-kelen-nyɔgɛnu anubɛ Samariya kɛlɛ-dannu yala ko, “Yahudiya-manyimanɛ kɛnu miri ye nfen ma? Soe kɛ mumɛ ladan-sɔgɛ le ye anu na, wa? Kɛnu miri ko anu si banna soe kɛ mumɛ bɛɛsi ladanna tele kelen kɔrɔ saraka-bɔɛ fɛ? Anu si buriburi-mintantɛ-kɛ yɛlɛma kurinu na ka bɔn sɔ anu na?”

Yaburi 107:43

Hɛnkilimɛnu ni anu hɛnkili to kumɛ kɛ ko ka anu miri Marita keninteya-dannatɛgɛbɛlɛ ma.

Yaburi 44:19

Kɔnɔ wo bɛɛ rɔ, i wara ma bolokanɛ to sogo-feremɛnu tɛma. I wara ma bolokanɛ to pinpi-burunnɛ-bɛfu le tɔ.

Yaburi 79:1

E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Aiseya 13:22

Mɔgɔ ti fenfen namɔɛn anuna bon-nayan-bɛnu tɛma fɔ sulukinu di-kan. Babilɔntɛ ye nala banna kɛ la feu! A ara to se, ata wati ni ban.

Aiseya 25:2

I wara soenu ma sundu-kunyɛ la ka so-latankanɛnu kasara pɔ! Ma yogenu ya bon-hakikɛ min bɛɛ sɔ, wo bɛɛ ara tii mɛmɛ!

Aiseya 34:13

Wɔnɔ-sufa bɛɛ si fɛrɛn kun-tiginuna bɔn la anubɛ tarɛ mininɛ soe minnu ma. Fɔ sulukinu anubɛ gbingbinnyagan denu dɔrɔn si taran nyɔ.

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Yɛrɛmaya 1:15

Wati-kundu-nɛ wa tenbi, nyamanɛ minnu bi kantɔ-wara la, n si wo mɔgɛnu natugu wo ma. Nyɔ-mansɛnu si na Yerusalɛm soe tarɛ bira-a-la ka soe damasi bira-a-la Yuda nyamanɛ rɔ. Anu si na anuna mansaya-waganɛnu sigi Yerusalɛm tarɛ don-dɛnu na.

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 16:10

Mari ko n ba kumɛ kɛnu fɔ wole, Yuda kɛnu ye tumɛ min, wo si n manyinika ko, “Nfenna Mari ara ko su kɛnu sigi ma la? Ma ara nfen tinya a ma? Ma ya ko-yoge mintan ma mata Mari Alla la?”

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 26:9

I ya a fɔ Mari baraka rɔ ko Bato-Bɔn kɛ si tinya iko Sailotɛ. I ko soe kɛ si kasara, hali mɔgɔ-den-kelen-bɛrɛn kunyɛ ti to-a-rɔ. I ya i tui kɛ fɔla nfenna ko la?” Wo ya kurɔn don n ma.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 44:2

Mari Sɛnbɛ-Bɛɛ-Tigi Isirɛlata Alla ko a ara kasarɛ min lana Yerusalɛm anubɛ Yuda soenu ma, a ko wo ara wo rayen, ado ha bi, soe wonu tinyanɛ nyɔ. Mɔgɔ-wo-mɔgɔ sigini sa anu tɔ tun

Yɛrɛmaya 49:33

Hesɔ soe si ma wula-da-rakolɔn la. A si ma sulukinu sigi-tinɛ la. Hadama-den ti sigi nyɔ tun. Mari kan le kɛ la.

Yɛrɛmaya 50:3

“Sibole min bi kantɔ-wara la, wo si na kɛ Babilɔn kɛnu ma. A si Babilɔn nyamanɛ ma wula-da-rakolɔn la. Hadama-den wo, sogo wo, bɛɛ si a buri, ado hali mɔgɔ-den-kolo-kelan ti sigi nyɔ tun.”

Yɛrɛmaya 51:37

Nyamanɛ wo si ma tonbɔn la. Mɔgɔ ti taran nyɔ fɔ bintɔ-sogenu. Mɔgɔ-wo-mɔgɔ ya nyɔ yen, a kun ma si kɔ.

Yɛrɛmaya 8:22

Takun-bɛsi sa Kaliyadi nyamanɛ rɔ? Mɔgɔ-dandanna sa nyɔ, wa? Nfenna nna mɔgɛnuna dumɛ sa kɛndɛyala?

Nimisa Koe 1:4

Kilɛnu bi dila bawo mɔgɔ-wo-mɔgɔ sa na tina batoli-kɛ-tinɛ Bato-Bɔn la tun. Mɔgɔ-wo-mɔgɔ sa a yɛ masala Bato-Bɔn don-dɛnu ma tun. Woletɔ saraka-masɔlɛnu bi dila anu sigi soenu tɔ. Sunkurɔn minnu bi sigi sala Bato-Bɔn la nun, wonu tɔrɔni kati! Soe ye tɔrɔya-belebele le tɔ.

Nimisa Koe 2:2

N Tigi Mari ma kinikini so-mɛsɛ fenfen ma Yuda nyamanɛ rɔ. A ara anu bɛɛ halaki pɔ! So-latankanɛ min bɛɛ ye Yuda nyamanɛ lakanan-koe la, a ara wo bɛɛ labui fugbu! A ya nyamanɛ anubɛ a mɔgɔ-banu fɛrɛn dugi la yarabiyi bolo.

Nimisa Koe 3:47

Kasarɛ anubɛ tinyɛ siginɛ ma kuma sodo! Fenfen ma to fɔ kilan anubɛ kumakɔɛ.

Saraka-Masɔlɛnuta Tɔnnu 26:32

N si wola nyamanɛ duginu tinya, hali wo yogo minnu bi nala anu sigila wo gbɛ rɔ, wola dugi wo tinya-nya si ma latɛrɛna-koe la anu fanan bolo.

Maika 1:6

Maika ya Mari kuman-kan latenbi mɔgɛnu ma ko a si Samariya soe ma tonbon-kole la. Nyɔ si ma fen-ki-tinɛnu na. Mari ko a si bon-kerinɛ wonu mirannu nakɛ a rɔ fole la, fɔ bon-gbɛnu, wonu denu bi tola.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

Lankɛnimayɛ 18:2

A gbele-gbelenta kan-ba la ko, “A ara bui! Babilɔn-so-belebele ara bui fogbo! A ara ma nyinɛnu anubɛ nyina-kɔsɔnɛnu barɛ la gbɛ! Koni-yogoma-su bɛɛ anubɛ koni-haramunɛnu denu gbansan ladɛnnɛ a rɔ kaka.