Yɛrɛmaya 8:8 - ALLALA KUMƐ

⁸ Mari ko wo ye a fɔla wo nyɛrɛ ma ko wo hɛnkili kolo. Wo ko wo ara hɛnkili sɔrɔn ale Marita karan rɔ. Kɔnɔ wola tɔn-sɛbɛlɛnu bi Allata kumɛnu gba-yɛlɛmanna. Wonu fanan bara foninyɛ sɛbɛ anuna kalɛ la.

Yɛrɛmaya 8:8 Iomraidhean Croise

Yobu 11:12

Ni sofɛli-feremɛ si den-kolonɛ sɔrɔn, nba, ni wo si ma, mani kun-takolɔn si ma hɛnkilimɛ la.

Yobu 12:20

Alla si yili kiri mansɛnuna makawandilɛnuna kumɛ-dan la. A si kinanu ma kinan-yungurɔn la.

Yaburi 147:19

A ye ala sarakanɛnu natala ala mɔgɛnu ma. A ye ala tɔnnu anubɛ ala sereyanu dila Isirɛla mɔgɛnu ma.

Hɛnkilimaya-Kumɛnu 17:6

Benbe si a wasi a mamanɛ la iko dan si a wasi a fa la nya min.

Aiseya 43:27

Ma benba-fɔlɔfɔlɛnu ya hakɛ kɛ. A ko mala kun-tiginu murutiyara a ma fanan.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 19:7

Mari ko a si wole, Yuda mɔgɛnu anubɛ Isirɛla mɔgɛnu miriya bɛɛ tinya kan-tina-kelan kɛ rɔ ka a ma, wo yogenu ni wole, Yuda kɛnu faga tɛrr! A ko a si a ma, wo furinu ni ma konanu anubɛ sogenu de-nyini-fan la.

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 48:14

Mohabu keinu bi anu nyɛrɛ mala kɛlɛ-nyananu na nfenna ko la? Anu miri ko kɛlɛ ara anu tasuma nun, ba?

Hoseya 8:12

N bara tɔn-siyaman sɛbɛ wo ye nun kɔnɔ wo ye wo banna tɔn wonu na iko wo sa anu nya-yenna.

Matiyu 15:6

ko ni min ya wo ma, hali a ma anu gbiliya kɔ-fan wo la tun. Wo wa bila wo benbanuna karan fɛ, wo ye Allala kumɛ mala fuyi la wo nya na le.

Yɔni 9:41

Yisa ya anu yabi ko, “Ni fiyɔn le wole la nun, yiliki sa wo bolo nun. Kɔnɔ bawo wo ko wo ye fen yenna, woletɔ ha kaka, wo yilikinɛ, yɔ!”

Romu 1:22

Anu ko hɛnkilimɛ le anu na kɔnɔ kun-takolɔn le anu na.