Yɛrɛmaya 8:7 - ALLALA KUMƐ

⁷ Hali konanu, wonu ya anu nyɛrɛta ko-ladan-wati lɔn. Hali kulangbɛ anubɛ serekokonu ya anu tunu-wati lɔn. Kɔnɔ Mari ko a ye nyinina min ma wole, ata mɔgɛnu bolo, wo ma wo lɔn.

Yɛrɛmaya 8:7 Iomraidhean Croise

Keninteya-Siginu 2:12

I tenbi kan-bo-kan, i si baga-fere yen. Sigi-sa-wati le kɛ la. I ye serekokonu-kan namɔɛnna kan-bo-kan.

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 5:12

Wo ye sɔrɔnnu anubɛ bɔlɔnnu anubɛ wasanbɛnu anubɛ fulinu kɛla-a-rɔ wola ladiyɛnu tɔ kɔnɔ katarala gbɛɛ, wo ye nyɔ duk! Wo ma a lɔn Mari ye min kun na lefan

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Habakuku 1:4

Mɔgɔ-wo-mɔgɔla ko sa tɔn wara-koe rɔ tun bawo sɛnbɛ sa a rɔ. Kiti-tɛgɛlɛnu sa kiti tɛgɛla a kilɛ fɛ tun. Tuma-wo-tuma, mɔgɔ-telenbɛlɛnu kɛnɛna mɔgɔ-telennɛnu nɔla kiti rɔ. Anu bi tonyɛ yɛlɛmana foninyɛ la.

Sakaraya 5:9

N ya n yɛ layɛlɛ san ma. N ya musu fila yen nala n magbenna. A bɛɛ kanban rafulennɛ ye a ma. Anu kanban wonu tagbɛlɛ iko singbentɛ. Wonu ya digi wo bi ka ta a la anu bolo san ma pon!