Yɛrɛmaya 8:6 - ALLALA KUMƐ

⁶ Mari ko a ya a wɔlɔ matɔlɔ wo la a kin na kɔnɔ fenfen ti bɔ wo da rɔ fɔ foninyɛ. Wo fenfen ma nimisa wo hakɛla ko la. Wo miriya ma ke wo sɔn-kɔrɛ wonu ma lefan anu boloka-koe ma. Bɛɛ ye a kun fɛ iko soee-kɛlɛta talɛ.

Yɛrɛmaya 8:6 Iomraidhean Croise

Yobu 10:2

E, Alla, i yandi, i kana n kunyɛ don gbaran rɔ. Ni n bi kiti-sufa min tɔ, wo yira n na.

Yobu 34:31

Nba, n fa Yobu, i wara i sɔn i hakɛ la Alla ye nun, ba? I wara a fɔ a ye nun ko i ti hakɛ kɛ tun?

Yobu 34:32

I wara Alla manyinika nun a ni ita fɛɛ yira i la? I wara sɔn i farala ko-yogoma-kɛ la?

Yaburi 14:2

Mari si a kolan layigi hadama-dan ma ka a lɔn ni hɛnkilimɛ ye anu tɛma min bi ale Mari nyinina.

Aiseya 30:18

Hali wo, Mari ye wo makɔnɔna alako a ni kinikini wo ma. A rabɛnnɛ ka kinikini wo ma bawo a ye ko-telenni-gbansan le mala. Mɔgɔ-sewanɛ le wo tigi la min lanɛ Mari la.

Aiseya 57:17

A ko a kɔrɔtɔnɛ wo ma ka a tɛgɛ wola kin-kɔrɔla-fasɛ ma. A ko a ya a kan-kɔ sɔ wo la ka wo tɔrɔ ala fondo-bɔɛ la. A ko hali wo, wo ma wo bɔ wo gbɛ da la. Wo ye ko-yogomɛ kun na tolon!

Aiseya 59:16

A ma mɔgɔ-den-kelen yen anu tɔ min si hina bolo-kolɔnnu na. Wo ya a tɛrɛna, a ma mɔgɛ yen anu tɔ min si dɛnbɛnɛ kɛ. Wo le ya a ma, Mari ya a fanka lawɔli ka mɔgɛnu dɛnbɛ alako anu si sɛnbɛ sɔrɔn nya min.

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 3:5

Wo yili latɛgɛnɛ ko ale Mari kɔrɔtɔnɛ ti to wo ma. Tɔn si sigi ata kɔrɔtɛ la. Wole Isirɛla mɔgɛnu denu bi kumɛ kɛnu fɔla kɔnɔ wo ye ko-yogomɛnu mala iko a di wo ye nya min.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Isikiyɛli 18:28

A ya a lɔn a ye min kun na, woletɔ a ya a bɔ wo da kun tɔ. A ti faga kɔnɔ a si to a niyi la.

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Daniyɛli 9:11

Male Isirɛla mɔgɛ bɛɛsi ya ila tɔnnu tinya. Anu ma sɔn ila kumɛ birala mumɛ! Ma ara hakɛ kɛ i la, woletɔ ita wɔli-kɛla Nɛbi Musa ya dankɛ minnu sɛbɛ ata buku rɔ, ile le ya a ma, dankɛ wonu ya ma dama bira.

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Sɛfanaya 3:7

Mari ko ni wo ya a yen, a ya a ma wo nya, a ya a lɔn nun ko wole, ata mɔgɛnu si a gbiliya ka kolo a ma lɛp! A ko a miri nun ko wo ara kabana-koe minnu tayen wo yɛ la, wo ti nyina wonu ko nun muk! Kɔnɔ a ko a ma mɛ lefan, wo ya wo ya-lamunun karagbɛlɛyɛ la tun!

Hegayi 1:5

Wo sa a yenna min bi mala wo la?

Hegayi 1:7

Ha bi, wo ma a lɔn min ya a to, kɛnu bi mala wo la, wa?

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.