Yɛrɛmaya 8:5 - ALLALA KUMƐ

⁵ Nfenna wole, Yuda kɛnu bi samala, wa? Nfenna wole, Yerusalɛm kɛnu sa wo sɛgila kilɛ ma? Wo lanɛ foninyɛnu denu na, wota bɛsɛnu, kɔni. Wo ya wo ban sɛgi-koe ma.

Yɛrɛmaya 8:5 Iomraidhean Croise

Hɛnkilimaya-Kumɛnu 4:13

I wara minnu karan kɔrɔma la, i ni to i mirila wonu ma. I niyi-kole le ila karan la.

Aiseya 1:20

Kɔnɔ ni wo bilara a la, fɔ wo kunyɛ wa to kɛlɛ rɔ serr! Ale Mari kan le kɛ la.

Aiseya 30:10

Anu bi a fɔla nɛbinu ma ko, “Wo ni sigi-a-la don!” Anu bi a fɔla fanan ko, “Ma tole diyana-koenu denu fɔ ma ye. Ma sa nyinina ko-telenni ma fɔ ko-nyima-rayirɛ dɔrɔn.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Yɛrɛmaya 2:32

Sunkurɔn ti nyina a makiri-fan ko. Kɔɛn-kurɛ ti nyina ala kɔnyɔ-masɔ-kurɛnu ko. Kɔnɔ Mari ko ata mɔgɛnu nyinara a ko bi-ko-ma,

Yɛrɛmaya 3:5

Wo yili latɛgɛnɛ ko ale Mari kɔrɔtɔnɛ ti to wo ma. Tɔn si sigi ata kɔrɔtɛ la. Wole Isirɛla mɔgɛnu denu bi kumɛ kɛnu fɔla kɔnɔ wo ye ko-yogomɛnu mala iko a di wo ye nya min.

Yɛrɛmaya 5:27

Iko sansan lafanɛ sisinu na nya min, ka a tɛgɛ anuna yanfanteyɛ la, karagbɛlɛ kɛnu bara anuna bɔnnu nafa kankanya-fannu na wo nya na le. A bɛɛ ara ma-a-la kankanya-fan le tɔ.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Yɛrɛmaya 6:17

Mari ko a ya wo kumafɛlɛnnɛnu yabɔ. Wo ni wo tole masɔ anuna kɛlɛ-buri-fɛ-kan la. Kɔnɔ wo ara wo tolenu gbere gben!

Yɛrɛmaya 6:19

Wole duninya-mɔgɛnu, wo ni kɛ lamɔɛn. Mari ko a ye kasarɛ lanala Yuda mɔgɛnu kuma. Anu ya karagbɛlɛyɛ min tabɛn, wo ye mala anu na ka a tɛgɛ wo ma. A ko anu ma sɔn anu tole masɔla ata kumɛ la. Anu ma ata karan bira.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Daniyɛli 9:11

Male Isirɛla mɔgɛ bɛɛsi ya ila tɔnnu tinya. Anu ma sɔn ila kumɛ birala mumɛ! Ma ara hakɛ kɛ i la, woletɔ ita wɔli-kɛla Nɛbi Musa ya dankɛ minnu sɛbɛ ata buku rɔ, ile le ya a ma, dankɛ wonu ya ma dama bira.

Hoseya 11:5

“Wo ya wo ban wo ya-lamununna n na woletɔ n ko fɔ wo wa ta Iyipiti, ado fɔ Asiriya wa sigi wo kun na.

Hoseya 11:7

Ka wo kan-kɔ sɔ n na, wo nɔrɔnɛ wo ma fatifati! Wo si to gbele-gbelenna ka a tɛgɛ dunɛ wo ma min siginɛ wo kuma kɔnɔ mɔgɔ-wo-mɔgɔ ti dunɛ wo bɔ wo kuma.

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Hoseya 4:16

Wole, nta mɔgɛnu tengberenyanɛ iko sofɛlɛ. N ti ke wole, sofɛlɛnu nagbengbenna binyɛ ma iko saga-dannu.

Sakaraya 7:11

A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere

Yɔni 5:40

Hali wo, wo sa sɔnna nala n bara alako wo si habadan-nimayɛ sɔrɔn nya min.

1 Tɛsalonaika 5:21

Wo ni koe bɛɛ fɛsɛfɛsɛ. Min kin, wo ni wo mara gben!

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Lankɛnimayɛ 2:25

Kɔnɔ karan min bi wo bolo, wo ni wo bira gben, ha n ni na.