Yɛrɛmaya 8:16 - ALLALA KUMƐ

¹⁶ Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Yɛrɛmaya 8:16 Iomraidhean Croise

Yobu 39:20

Ile le ye a mala, a kinta-kan ye sɔnkɔla iko kondɔn-biriti-wɛ? Ile le ye a mala, a sun-tafɛ-kan ye mɔgɛnu mabanna?

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Yɛrɛmaya 10:25

Ita fondo-bɔɛ rawuya sibolo-gbɛrɛnu ma. Anu ma i lɔn. Anu ti ile matara. Sibolo-gbɛrɛ wonu denu ya male, Yakoba kegeyɛnu kasara ka ma lato dogbe! Wonu denu ya mala nyamanɛ fanan kasara.

Yɛrɛmaya 3:24

“Ka a bi ma dennɛ ma, ma fanu bi tɔrɔla min na, ma ye wonu dila layarabi-bɛsɛ kɛnu ma sarakayɛ la. Bɛsi-fufafuyi wonu bara ban ma fanuna kolo-fannu kunyɛ latola a rɔ. Anu bara ma fanuna dannu bi fanan.

Yɛrɛmaya 30:16

Kɔnɔ kaka, sibole min bi wo kasara-tinɛ nun, wonu si kasara. Wo yoge bɛɛ si ta biralɛ rɔ. Wo niyi-ragbɛrɛnnɛ bɛɛ niyi ra si gbɛrɛn anu ma. Minnu bi wo bolo-fannu bila wo kɔma, wonu fanantɛ si bi.

Yɛrɛmaya 30:5

A ko a ye wole, ata mɔgɛnu wɔrɔndɔ-kan lamɔɛnna kumakɔɛ bolo. Wo kilannɛ dɔgɔma-ma-de, ado yisi-kimɛ sa nyɔ.

Yɛrɛmaya 4:24

N ya kɔnkɛnu mafɛlɛn, anu bi yɛrɛyɛrɛnna. A bɛɛ ye magala a rɔ.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 47:3

Anu si soeenu kinta-kan lamɔɛn. Anu si kirindinu ta-kan lamɔɛn. Anu si kirindinu sɔnkɔ-kan namɔɛn. Sɔrɔnbagɛnu ti sɛgi anu kɔma anuna dannu bi-tinɛ. Anu bolenu tafaganɛ kɔlɔbɔ!

Yɛrɛmaya 5:17

Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Yɛrɛmaya 50:42

Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Yɛrɛmaya 6:23

Anu bi nala kalabɛn anubɛ tanbɛ la anu bolo. Anu karagbɛlɛ dɔgɔma-ma-de! Hina-wo-hina sa anu tɔ. Anubɛ anuna soeenu na-kan mani de iko kɔgɔ-yi tenbi tugula a rɔ. Kɛlɛ-dan wonu bara sɔ anu sansan-yili ma wo kɛlɛ-kan ma. Anu bi nala wole, Yerusalɛm kɛnu kɛlɛ-koe la.”

Nehami 3:2

Wo ni wo tole masɔ soeenu-gbesi-kan la soi! Kirindinu-kiannu bi tala sɔnkɔla, gbɔgɔn gbɔgɔn gbɔgɔn! Soeenu bi anu burila, barr barr barr! Kirindinu bi anu burila, gbara gbara gbara!

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

1 Kɔrɛnti 10:26

ado iko a sɛbɛnɛ Allata kitabu rɔ nya min ko, “Duninya anubɛ fan min bɛɛsi ye a rɔ, Maritɛ le wo bɛɛ la.”

1 Kɔrɛnti 10:28

Kɔnɔ ni mɔgɛ do ya a fɔ wo ye ko, “Dɔn-fan kɛ dinɛ bɛsɛnu denu ma kɔɔ,” wo kana dɔn-fan wo dɔn ka a tɛgɛ mɔgɛ wo sɔndɔmɛla ko ma.

Kɛlɛ-Kurugbɛnu 18:29

Anu ya Leyisa soe wo tɔgɛ yɛlɛma ka anu benba Yakobala den Dan tɔgɛ sa nyɔ kuma.

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.

Kɛlɛ-Kurugbɛnu 5:22

Sisarala soeenu-kinta-kan ye nala ma magbenna.