Yɛrɛmaya 8:15 - ALLALA KUMƐ

¹⁵ Ma miri ye yisi-kimɛ le ma nun kɔnɔ yisi-kimɛ sa ma ye. Ma hɛnkili latɛgɛnɛ kɛndɛyɛ le ma nun kɔnɔ yaga, kumakɔɛ gbansan!

Yɛrɛmaya 8:15 Iomraidhean Croise

Yobu 30:26

Nde ye sewɛ anubɛ wan-takanɛ le nyinina nun. Kɔnɔ yanni wo ni ma, fɔ n ya tɔrɔyɛ anubɛ pinpi min sɔrɔn.

Yɛrɛmaya 12:12

Kɛlɛ-den-siyaman si tenbi kɔnkɔ-manunkunɛ wonu ma. Nde, Mari si a ma, kɛlɛ-dan wonu ni nyamanɛ wo tɔrɔ. Ka a bi nyamanɛ-dan doi ma ka a sigi a dan doi la, anu si mɔgɛ wo bɛɛ tɔrɔ. Mɔgɔ-wo-mɔgɔ ti kisi.

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 4:10

Wo kɔma, nde, Yɛrɛmaya ya a fɔ ko, “E, n Tigi Mari, i wara Yuda kɛnu anubɛ Yerusalɛm kɛnu bolo labira. I ya a fɔ nun ko anu si yisi-kimɛ sɔrɔn kɔnɔ yaga, faan-sungban le bɛnnɛ anu kan-kɔrɛ ma.”

Yɛrɛmaya 6:25

Wo kana ta binyɛ rɔ de! Wo kana kila kun bira. Wo kana wo ma bawo faan-damɛ ye wo yogenu bolo la. Kumakɔɛ ye kan-tinɛ bɛɛ rɔ.

Yɛrɛmaya 8:11

Mari ko wonu bi wole, ala mɔgɛnuna tɛlɛ-wɛnu dandanna iko anu si purupurɛ dandan nya min. Anu bi tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Isikiyɛli 7:25

Yigi-tɛgɛ ye nala. Wo si yisi-kimɛ nyini kɔnɔ wo ti a sɔrɔn dɛɛ!

Maika 1:12

“Maroti soe wo tɔgɔ-kɔrɛ mani de iko ‘a kuna.’ Soe wo mɔgɛnu bi kun-nadiya-tele makɔnɔna bawo Mari ara nyankankantan gbɛrɛn Yerusalɛm soe ma.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.