Yɛrɛmaya 7:9 - ALLALA KUMƐ

⁹ Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Yɛrɛmaya 7:9 Iomraidhean Croise

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

Bɔ-Koe-Iyipiti 20:3

Woletɔ wo kana fen-gbɛrɛkɛ bato nde, Alla kɔma muk!

Aiseya 1:13

Wola kɔ-fen di-bole kɛ ti ko-wo-ko nyinya wo ma. Wo ye isɛnti min mintanna, a ko wo sumɛ ma di a ye tun hali! Wola Karɛ-Kura-Ladiyɛnu wo, wola Sulen-Tele-Ladiyɛnu wo, anubɛ wola ladiya-gbɛrɛkɛnu wo, a ko wo bɛɛ sɔgɛ la ara bɔ a la bawo wo ara wo hakɛ basan wonu na.

Aiseya 58:2

Anu bi anu nyɛrɛ mala iko Alla di mɔgɛ min ye. Anu bi anu nyɛrɛ mala iko mɔgɛ minnu bi anu tole masɔla Allata tɔn-karan la a kin na! Anu bi anu nyɛrɛ mala iko komi Alla sako kɛ-sɔgɛ ye anu na. Anu bi anu nyɛrɛ mala iko anu sa Allata tɔn tinyana tele-kelen-bɛrɛni! Anu bi anu nyɛrɛ mala iko Alla-bato-sɔgɔ-bɛrɛ ye anu na. Bato-Bɔnna-tɛ di anu ye dɔgɔma-ma-de!

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 11:13

Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye wo bolo. Wo ara saraka-mintan-tina-siyaman nadan wola kisimiriya-bɛsɛ Beyali ye. Kila-kunyɛ min nyɔgɔn bi Yerusalɛm soe burɔ, wo le nyɔgɔn saraka-mintan-tinɛnu bi nyɔ.

Yɛrɛmaya 11:17

Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 13:10

A ko wole, kalabantenu sa sɔnna wo tole masɔla ata makawandili-kan la. Wola tolo-gbɛlɛyɛ le ye a mala, wo ye wo nyɛrɛ diyana-koenu mala. Wo ye bɛsɛnu kɔla, woletɔ wo ye mala iko kufama kɛ. Wo ti ko-wo-ko nyinya mɔgɛ ma.

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Yɛrɛmaya 32:29

ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

Yɛrɛmaya 44:3

bawo wole nyɔ-mɔgɛnu bara ko-yogomɛnu nadan ka ale Mari ladiminya. Wo ya bɛsɛnu kɔ ka isɛnti mintan anu ye nyɔ, ado wole wo, wo benbanu wo, wo fenfen ma duru bɛsɛ wonu kɔla nun.

Yɛrɛmaya 44:8

A ko nfenna wo ye a ladiminyala wola bɛsi-ladannɛnu na ka isɛnti mintan anu ye Iyipiti nyamanɛ kɛ rɔ wo siginɛ kan min? Wo ye wo nyɛrɛ le dɔrɔn tinya-tinɛ. Sibolo-gbɛrɛnu ba wo yen tumɛ min, wonu si nyima worɔ ka wo tɔgɛ ma dankali-kɛ-fan la.

Yɛrɛmaya 44:9

Wo benbanu wo, Yuda mansɛnu anubɛ anuna musinu wo, wolebɛ wola musinu wo, wo ara nyina wola karagbɛlɛya-koenu ko, wa? Wo taranta minnu kun na Yerusalɛm anubɛ Yuda soe nyamanɛ toe rɔ, wo ara nyina wonu ko, wa?

Yɛrɛmaya 48:35

Mari ko a si Mohabu kɛnu nato bawo anu bi sarakɛnu anubɛ isɛnti mintanna anuna bɛsɛnu ye. Mari kan le kɛ la.

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Yɛrɛmaya 5:7

Mari ko nde ni ma makoto-kunya fɔ a ye bawo wole, ata mɔgɛnuna ko sa ala ko rɔ tun. Wo dama ara wo gboro bɛsɛnu tɔ Alla ma minnu na. Alla ko a ye wo hayu bɛɛ kasala kɔnɔ hali wo, wo telenni ma a ye. Wo kɛnɛ wo nyɔgɔn kɔma yɛlɛnnuna bɔn la.

Yɛrɛmaya 7:6

Sundannu wo, kelennɛnu wo, kɛɛ-musinu wo, wo kana a lagbɛlɛya wonu kuma. Minnu ma ko-yogomɛ ma, wo fara anu fagɛ la nyamanɛ kɛ rɔ. Wo fara bɛsi-kɔ-koe la fanan. Ni wo ma, bɛsi-kɔ-koe wo si wo halaki.

Isikiyɛli 18:18

Kɔnɔ a fa, wo ya mɔgɔ-bolo-labirɛnu kɛ ka kankanyɛ kɛ. A ya ko-yogomɛ kɛ mɔgɛ bɛɛ la. A tɔgɛ si to ala hakɛnu denu na.

Isikiyɛli 20:30

Woletɔ i ni nde, wo Tigi Mari kan kɛ latenbi Isirɛla mɔgɛnu ma ko nfenna anu bi bɛsɛnu kɔla iko anu benbanu ya a ma nya min?

Isikiyɛli 23:39

Anu ya nna dannu faga ka anu bɔ sarakayɛ la tele min nyɛrɛ ma, anu nara ka nna Bato-Bɔn fanan natinya tele wo le ma.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Hoseya 6:9

Wole saraka-masɔlɛnu mani de iko kankan-kurɔn minnu siginɛ kilɛ la. Wo ye mɔgɔ-lapɛran la. Hali kilɛ min bi tala a labilala Sɛkɛmta kan-tina-sɛnimɛ ma, wo ye mɔgɛnu fagala wo fɛ. Wo ye karagbɛlɛyɛ wo dama lawulila a ma le bihin!

Emɔsi 4:5

Ni a di wo ye fanan, wo ni na wola biredinu na wo bolo wasinteyɛ la ka a ma baraka-bira-kɔ-fannu na iko a di wo ye nya min. Wo ye wo nyɛrɛ matagbala kɔ-fan minnu di-koe rɔ, ni a di wo ye, wo ni to wo nyɛrɛ matɔgɔla iko a di wo ye nya min. Nba, Mari ko bawo ko-sufa wonu di wole, Isirɛla mɔgɛnu ye, awa, wo ni to wo sufanu mala iko a di wo ye nya min.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Romu 2:2

Ma ya a lɔn ko minnu bi ko-sufa kɛnu mala, yoe ye Alla bolo ka wonu kiti.

Tɔn-Fɔɛ-Fila-Nyɔgɛ 32:17

Wo ye sarakɛnu bɔla bɛsɛnu ye Alla bɛrɛ ma minnu na, hali wo benbanu ma minnu lɔn, hali wole Isirɛla mɔgɛnu ma wɔli minnu ye kɔrɔma la.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.

Kɛlɛ-Kurugbɛnu 5:8

Kɛlɛ buira Isirɛla mɔgɛnu kuma tumɛ min, kɛlɛ-kɛ-fen wo fenfen ma taran mɔgɔ waga bi-nanɛ wo fenfen bolo. A mara wo nya bawo anu bara anu kan-kɔ sɔ Mari la ka anu don bɛsi-kɔ-koe rɔ.