Yɛrɛmaya 7:28 - ALLALA KUMƐ

²⁸ Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Yɛrɛmaya 7:28 Iomraidhean Croise

Yaburi 12:2

Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Aiseya 30:9

Foninya-fɔɛ wo, murutiyɛ wo, ka anu ban Marita kuma-birɛ ma wo, anu bi wonu kun na le tolon!

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 6:17

Mari ko a ya wo kumafɛlɛnnɛnu yabɔ. Wo ni wo tole masɔ anuna kɛlɛ-buri-fɛ-kan la. Kɔnɔ wo ara wo tolenu gbere gben!

Yɛrɛmaya 6:28

A ko wole, ala mɔgɛnu bara wo ban a la ka wo tole gbɛlɛya. Wo ye belenna mɔgɛnu da ragbalala foninyɛ la. Wo yisi gbɛlɛ iko nɛgɛ anubɛ silɛɛ ye nya min, wo ye mɔgɛnu tɔrɔla yanfanteyɛ la wo nya na le.

Yɛrɛmaya 6:8

Mari ko tɔrɔyɛ kɛnu ni ma wole, Yerusalɛm kɛnu makawandi-fan la. Ni wo ma wo tole masɔ, a si a ban wo la. A ko a si wola soe kɛ ma dugu-magbalanɛ la. Nyɔ si ma tonbɔn la.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Sɛfanaya 3:2

Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Sɛfanaya 3:7

Mari ko ni wo ya a yen, a ya a ma wo nya, a ya a lɔn nun ko wole, ata mɔgɛnu si a gbiliya ka kolo a ma lɛp! A ko a miri nun ko wo ara kabana-koe minnu tayen wo yɛ la, wo ti nyina wonu ko nun muk! Kɔnɔ a ko a ma mɛ lefan, wo ya wo ya-lamunun karagbɛlɛyɛ la tun!