Yɛrɛmaya 7:26 - ALLALA KUMƐ

²⁶ Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Yɛrɛmaya 7:26 Iomraidhean Croise

1 Mansɛnu 14:22

Yuda mɔgɛnu ya hakɛ kɛ Mari la. Anu tora ko-yogoma-siyaman mala ka tenbi anu benbanu na alako Mari fonde ni bɔ.

1 Mansɛnu 14:9

Ta a fɔ a ye ko ale ara hakɛ min nyɔgɔn kɛ, hali a ya min taran a yarɔ, wonu ma wo nyɔgɔn kɛ. A fɔ a ye ko a ara a ban ale Mari la. Mari ko bawo a ara sɛnɛ lalee ka bɛsɛ donu nadan mɔgɛnu bi minnu kɔla, wo ara a ma, Mari ara diminya a ma.

2 Mansɛnu 17:14

Kɔnɔ hali wo, Isirɛla mɔgɛnu ma sɔn Marita kumɛ tola a gbɛ rɔ. Anu tole gberenɛ iko anu benbanu bawo wonu ma la anuta Mari Alla la.

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

2 Ko-Kɔrɔta-Karan 30:8

Wo kana wo tole gbere iko anu denu. Wo ni Marita kumɛ bira. Wo na Marita Bon-sɛnimɛ la Yerusalɛm soe burɔ, wota Mari Alla ara min ma kan-tina-sɛnimɛ la, kɔni. Wo ni to Mari batola, woletɔ a ti to diminyala wo ma.

2 Ko-Kɔrɔta-Karan 33:10

Mari ara mansɛ anubɛ ala mɔgɛnu makawandi nun kɔnɔ hali wo, anu ma anu tole masɔ a la.

2 Ko-Kɔrɔta-Karan 33:23

Kɔnɔ a ma a famayigi Mari ye iko a fa ya a ma nya min, ado a ya hakɛ kɛ ka tenbi a fa la.

Nihɛmaya 9:29

I ya anu makawandi alako anu ni ila tɔnnu bira kɔnɔ anu ya anu kan-kɔ sɔ ila tɔn la, ado anu niyi-sɔrɔn-kunyɛ le tɔn-birɛ la. Anu ya anu ban i bolo pat!

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Aiseya 48:4

A ko a ya a lɔn ko wo si ma tolo-gbɛlɛnu na. Wo tole gbɛlɛ iko nɛgɛ anubɛ silɛɛ.

Aiseya 5:4

Ni n ma min ma a ye yɛ, n ni wo lɔn. Ni wo ma, nfenna a gbɔɛ kunayanɛ? Nfenna a diyama sa a rɔ iko n bi nyinina a ma nya min?

Yɛrɛmaya 11:8

A ko kɔn-gbalɛ kerinɛ wo benbanu tole rɔ. Anu tole gbɛlɛ gben! Min ba diya anu ye, anu bi wo le mala, ado sarama-kan wo ko ni min ma ata kumɛ bira, wo tigi si dankɛ sɔrɔn. Woletɔ a ko a ya a ma, anu ya dankɛ wo su bɛɛ sɔrɔn. A ya sarama-kan kɛ bira-koe fɔ anu ye kɔnɔ anu ma anu sɛbɛ don a ma hali!

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 22:21

Fen bi wo bolo wati min, Mari kumara wo ye kɔnɔ wo ma wo tole masɔ a la, ado kebi wo dennɛ pɔipɔi, wo tora a mala wo nya. Lun kelen, lun tala, wo ma Mari sako kɛ.

Yɛrɛmaya 25:3

ka a bi Amɔnna den Yosayala mansayɛ Yuda nyamanɛ rɔ san tan-ni-sawɛ ma ka a sigi wati kɛ la, wo ara san mogan-ni-sawa bɔ. San-dande kɛ mumɛ bɛɛ kɔrɔ, Mari ya kumɛ min bɛɛ fɔ n ye, n ma n ban wo do-wo-do fɔla wo ye kɔnɔ wo ma wo tolo-wo-tolo masɔ.

Yɛrɛmaya 25:7

Kɔnɔ Mari nyɛrɛ ko wo ma wo tole masɔ a kin na! A ko wo ara a fonde magboya wola bɛsɛnu na, ado a ko wole le ya tɔrɔyɛ wo sanba wo nyɛrɛ ma.

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Yɛrɛmaya 29:19

Mari ko wo ye mala le bawo Yerusalɛm kɛnu ma anu tole masɔ a la. A tora sarakani-siyaman donna ala nɛbinu bolo kɔnɔ a ko Yerusalɛm kɛnu ma anu tole masɔ sarakanɛ wonu na mumɛ!

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Yɛrɛmaya 34:14

san-wɔrɔnfila wo san-wɔrɔnfila, Hiburu mɔgɛ min bara san wɔrɔ bɔ yɔɔnyɛ rɔ, anu ni wo boloka. Kɔnɔ a ko wo benbanu ma anu tole masɔ wo la.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 35:17

Woletɔ ale Mari Sɛnbɛ-Bɛɛ-Tigi Isirɛlata Alla ko a ara kasarɛ min bɛɛ rabɛn wole, Yerusalɛm kɛnu anubɛ Yuda mɔgɛ toenu kan ma, a si wo bɛɛ lana wo kuma. A ko a ye wo mala le bawo a wa kuma, wo ti a kan bira. A wa wo rakele, wo ti a denkun.

Yɛrɛmaya 44:16

“I ye min bɛɛ fɔla Mari tɔgɛ rɔ, ma ti ma tole masɔ wo la muk!

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 6:10

N si kuma yon na? N si yon makawandi? Yon si a tole masɔ n na? Wole Yuda mɔgɛnu bara wo tole gbere. Wo ti sɔn wo tole masɔla nna makawandili-kumɛnu na. Marita kumɛ ma di wo ye. Wo ti sɔn wo tole masɔla a la muk!

Yɛrɛmaya 6:17

Mari ko a ya wo kumafɛlɛnnɛnu yabɔ. Wo ni wo tole masɔ anuna kɛlɛ-buri-fɛ-kan la. Kɔnɔ wo ara wo tolenu gbere gben!

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Yɛrɛmaya 9:13

Mari ya nna nyinikalɛnu yabi. A ko wo bɛɛ ara ma bawo wole, Yuda kɛnu bara wo ban ala karan ma. Wo sa sɔnna ata tɔn birala. Ale ye min fɔla, wo sa sɔnna wonu birala.

Isikiyɛli 12:2

“Ile hadama-dan, ile siginɛ mɔgɔ-murutiyanɛnu denu tɛma kɛ la. Yɛ ye anu bolo kɔnɔ anu sa fen yenna. Tole ye anu bolo kɔnɔ anu ti ko-wo-ko lamɔɛn bawo mɔgɔ-murutiyanɛnu denu bi anu na.

Isikiyɛli 12:3

“Ila mirannu mabɛn iko kɛlɛ-kɔrɔ-maburilɛ. Yanni a la ni fin, i ni tagama dabira. I wa wuli, bɛɛ ni i yen tala. Tumado, mɔgɔ-murutiyanɛ wonu si i yen tala.

Isikiyɛli 20:30

Woletɔ i ni nde, wo Tigi Mari kan kɛ latenbi Isirɛla mɔgɛnu ma ko nfenna anu bi bɛsɛnu kɔla iko anu benbanu ya a ma nya min?

Daniyɛli 9:6

Mala mansɛnu wo, mala mɔgɔ-banu wo, ma benbanu wo, anubɛ mala nyamanita-mɔgɛ bɛɛ, i ya nɛbinu sɔ ka ila kumɛ fɔ ma ye kɔnɔ ma ma ma tole masɔ wo fenfen na.

Hoseya 11:7

Ka wo kan-kɔ sɔ n na, wo nɔrɔnɛ wo ma fatifati! Wo si to gbele-gbelenna ka a tɛgɛ dunɛ wo ma min siginɛ wo kuma kɔnɔ mɔgɔ-wo-mɔgɔ ti dunɛ wo bɔ wo kuma.

Sakaraya 7:11

A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere

Malakayi 3:7

A ko wole bɔra wo benbanu denu na. Wonu ya ata tɔnnu boloka. Wonu ma sɔn anu bira koe ma. Mari ko wo ni sɛgi a ma tun, a si a ya-lamunun wo la. Kɔnɔ a ko wole ye a fɔla ko, “Ma si nfen ma min si a ma, ma ni sɛgi a ma?”

Matiyu 21:38

Kɔnɔ anu ya ala dan wo yen nala tumɛ min, anu ya a fɔ anu nyɔgɔn ye ko, ‘Ki-fen-tigila dan le nala kɛ la. Wo na, ma ni a faga. Ma si a bolo-fannu sɔrɔn worɔ!’

Matiyu 23:32

Nba, wo benbanu ya min dabira, wo ni wo raya ka wo laban!

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Tɔn-Fɔɛ-Fila-Nyɔgɛ 8:20

Ni wo ma Marita kumɛ bira, wo ye sibole doi kɛnu fagala nya min, wole fanan bi fagala wo nya na le.”