Yɛrɛmaya 7:18 - ALLALA KUMƐ

¹⁸ A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Yɛrɛmaya 7:18 Iomraidhean Croise

1 Mansɛnu 14:9

Ta a fɔ a ye ko ale ara hakɛ min nyɔgɔn kɛ, hali a ya min taran a yarɔ, wonu ma wo nyɔgɔn kɛ. A fɔ a ye ko a ara a ban ale Mari la. Mari ko bawo a ara sɛnɛ lalee ka bɛsɛ donu nadan mɔgɛnu bi minnu kɔla, wo ara a ma, Mari ara diminya a ma.

1 Mansɛnu 16:2

fenfen ma ale la nun kɔnɔ nde, Mari ara a ma mansɛ la Isirɛla mɔgɛnu kun na. A ye hakɛ kɛla kaka iko Yɛrabowami min ya nta mɔgɛnu nadon hakɛ rɔ nya min nun. A fɔ a ye tun ko ala hakɛ ara a ma, n fonde ara bɔ.

Yaburi 16:4

Kɔnɔ min si anu ya-lamunun bɛsɛ la, wonu si nanparan lana anu nyɛrɛ kuma. Nde ti kofu mɔgɔ-sufa wonu ma anuna saraka-bɔ-tinɛ hali ka kofu anu ma anuna bɛsi-kɔ-tinɛ.

Aiseya 3:8

Ɔnde! Yerusalɛm tinya-koe ara to a ma. Yuda nyamanɛ fanan bi nala bui tinɛ le kɛ la. Anu ya ko-wo-ko fɔ, Mari tanama-koe le wo la. Anu ya ko-wo-ko ma, Mari gboyana-koe le wo la. Anu bi Alla rasɛla bɛɛ yala.

Aiseya 57:6

Wo ye kuru-manunkunɛnu kɔla. Wo ye minni-sarakɛnu nabonna kuri wonu ma ka dɔn-fen-kun-fɔlɛ-sarakɛnu di anu ma. Wo ni wo miri ko kɛnu wara-ko si a ma, Mari ni wo makoto, wa?

Aiseya 65:11

Mari ko wole minnu bara wo kan-kɔ sɔ ale Mari la, wo si tɔrɔ bawo wo ara nyina ata kɔnkɔ-sɛnimɛ ko. Wo ye bɛsɛ minnu kɔla, kelan tɔgɛ le, “Hɛrɛ.” Wo ye doi min kɔla, wo fanan tɔgɛ le, “Ko-latɛgɛnɛ.”

Aiseya 65:3

A ko anu bi anu tuila ka ko-latinyanɛnu nadan iko a ya sa anu na. Anu bi sarakɛnu bɔla anuna bɛsɛnu ye anuna kan-tina-hakikɛnu tɔ. Anu bi isɛnti mintanna kan-tina-hakikɛ rɔ.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 11:17

Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Yɛrɛmaya 19:13

Yerusalɛmna bɔnnu anubɛ mansɛla bolon-sɛninyabɛlɛ si to iko Tofɛti kɛ. Wo ye mala le bawo wo ye yɛlɛla anuna bɔnnu kuma bɛsi-kɔ-tinɛ. Wo wa yɛlɛ nyɔ, wo si to lolenu kɔla ka isɛnti mintan anu ye nyɔ. Wo si minni-fannu ma sarakɛnu na wola bɛsɛnu ye nyɔ.”

Yɛrɛmaya 25:7

Kɔnɔ Mari nyɛrɛ ko wo ma wo tole masɔ a kin na! A ko wo ara a fonde magboya wola bɛsɛnu na, ado a ko wole le ya tɔrɔyɛ wo sanba wo nyɛrɛ ma.

Yɛrɛmaya 32:29

ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.

Yɛrɛmaya 7:17

A ya n manyinika ni n sa a yenna wo ye min kun na Yerusalɛm luyinu ma anubɛ Yuda soe toenu burɔ.

Nimisa Koe 5:13

Anu ya kemini-mɛsɛnu nawɔli dɔn-fen-bunden-tinɛ iko yɔɔn. Mala dennɛnu bi tonko-tankanna sɔgɔ-dunɛ kɔrɔ.

Isikiyɛli 16:26

I dan-masa-nyɔgɔn-yɛlannu, Iyipiti kɛnu, kɔni, wonu fanan ya anu sa i fɛ. I ya ila yɛlɛnyɛ wo ma n nadiminya-fan la.

Isikiyɛli 20:28

N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Isikiyɛli 8:16

A tara n na kata burɔ. N ya mɔgɔ mogan-ni-loli yen saraka-mintan-tinɛ anubɛ Bato-Bɔn don-dɛ tɛma. Anu kan-kɔ sɔnɛ Bato-Bɔn la. Anu yɛ lamununnɛ tele-bɔɛ la ka tele bato.

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Tɔn-Fɔɛ-Fila-Nyɔgɛ 32:16

Wola bɛsi-kɔ-koenu bi a mala, Mari ye wo makeliyala. Wo ye Mari gboyana-koenu nadanna woletɔ a ara kɔrɔtɔ wo ma.

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.