Yɛrɛmaya 7:12 - ALLALA KUMƐ

¹² Mari ko wole, Yuda mɔgɛnu ni ta Sailo soe burɔ. A ya nyɔ le fɔlɔn fɔlɔn yabɔ a bato-tinayɛ la. Ale Mari ara min ma ko-yogoma-kɛlɛnu na nyɔ, a ko wo ni ta wo rayen wo yɛ la.

Yɛrɛmaya 7:12 Iomraidhean Croise

1 Mansɛnu 9:7

n si Isirɛla mɔgɛnu gben ka anu bɔ nyamanɛ kɛ rɔ n ya min di anu ma. N bara Bato-Bɔn min ma ntɛ la kɛ la, n si n ban wo la fanan. Mɔgɔ yigi ti taran Isirɛla mɔgɛnu na worɔ tun!

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 7:14

Woletɔ ale ara kan-tinɛ min yabɔ a bato-tinayɛ la Yerusalɛm, a si na nyɔ tinya pɔ, ado wo lara kan-tinɛ wo la dɔgɔma-ma-de! A ya nyɔ di wobɛ wo benbanu ma. Kɔnɔ hali wo, a ko a si nyɔ kasara iko a ya Sailo soe kasara nya min.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Yasowa 18:1

Anu banta kɛlɛ kɛla wati min, Isirɛla mɔgɛ bɛɛsi nara Sailo. Saraka-masɔlɛnu anubɛ anu madɛnbɛnɛnu ya Marita Fani-Bɔn sɔ nyɔ.

Yasowa 18:10

Yasowa ya nyamanɛ wo ratala bɔnsɔn wɔrɔnfilɛ wonu na koron-nakɛ fɛ iko a di Mari ye nya min.

Kɛlɛ-Kurugbɛnu 18:31

Allata Fani-Bɔn taranta Sailo soe burɔ wati mumɛ kɛ bɛɛ rɔ. Maikata bɛsɛ kɛ fanan taranta Dan bɔnsɔnnu bolo nyɔ.

1 Samuwɛli 1:3

San-bo-san, Ɛlakena si bɔ Rema ka ta Mari Sɛnbɛ-Bɛɛ-Tigi bato tinɛ Sailo soe burɔ ka sarakɛnu bɔ a ye nyɔ. Wo wati rɔ, Saraka-Masɔla-Kun-Tigi-Wɛ Ilayita den kemini filɛ Hɔfini anubɛ Finihasi taranta saraka-masɔ-wɔli kɛla nyɔ Mari ye.