Yɛrɛmaya 6:8 - ALLALA KUMƐ

⁸ Mari ko tɔrɔyɛ kɛnu ni ma wole, Yerusalɛm kɛnu makawandi-fan la. Ni wo ma wo tole masɔ, a si a ban wo la. A ko a si wola soe kɛ ma dugu-magbalanɛ la. Nyɔ si ma tonbɔn la.

Yɛrɛmaya 6:8 Iomraidhean Croise

Yaburi 2:10

Wole duninya-mansɛnu, wo ni wo tole masɔ makawandili-kumɛ kɛ la. Wole nyamani-tiginu, wo ni wo hɛnkili masɔ.

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Yaburi 94:12

Mari, ile ya mɔgɛ min nabila, wo sewani de bɛrɛbɛrɛ-wɛ-kɛ, ile ya min karan tɔn ma, kɔni.

Hɛnkilimaya-Kumɛnu 19:20

Ni i tara i tole masɔ kawandili-kan la ka a bira, lunyɛ do, fɔ i wa ma hɛnkilimɛ la.

Hɛnkilimaya-Kumɛnu 4:13

I wara minnu karan kɔrɔma la, i ni to i mirila wonu ma. I niyi-kole le ila karan la.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 31:19

Mari, ma ya ma bɔ itɛ rɔ. Ma ara ma kɛ-nyanu yɛlɛma. Kebi i ya ma tɔrɔ, ma ma ke ma kunyɛ kɔrɔbila miliyɛ bolo. Ma ara miliya mala kuntanya-ko-ladan-bolenu na wo tumɛ ma dennɛ.”

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Isikiyɛli 23:18

A ya a mɛlɛn mɔgɛ bɛɛ yala alako bɛɛ ni a lɔn ko yɛlan le. Ale fanan sɔgɔ labɔra n na iko a kɔrɔ-musi sɔgɔ labɔra n na nya min.

Hoseya 9:12

ado ni a taranta, den-wo-den sɔrɔnta, n si anu dama wara-koe ka-a-la. Anu do-wo-do ti to a niyi la. N ba n bole bɔ wo rɔ, ko-yogomɛnu si to mala wo la.

Saraka-Masɔlɛnuta Tɔnnu 26:34

Kɔnɔ yanni wo yogenu ni wo bira, san-wɔrɔnfila wo san-wɔrɔnfila, wo ti sɔn wola nyamanɛ ni a sulen wo bolo. Wo tumɛ wo ye wo yogenu bolo kan-tina-gbɛrɛkɛnu tɔ, wola nyamanɛ si a sulen wo kɔma.

Sɛfanaya 3:7

Mari ko ni wo ya a yen, a ya a ma wo nya, a ya a lɔn nun ko wole, ata mɔgɛnu si a gbiliya ka kolo a ma lɛp! A ko a miri nun ko wo ara kabana-koe minnu tayen wo yɛ la, wo ti nyina wonu ko nun muk! Kɔnɔ a ko a ma mɛ lefan, wo ya wo ya-lamunun karagbɛlɛyɛ la tun!

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.