Yɛrɛmaya 6:7 - ALLALA KUMƐ

⁷ Iko yi si bɔ tenke rɔ nya min, karagbɛlɛnuna wunduyogoyɛ si bɔ Yerusalɛm soe burɔ wo nya na le.” Mari ko a ye karagbɛlɛyɛ anubɛ kasara-kan lamɔɛnna soe kɛ rɔ. A ko a sa fenfen yenna kirayɛ anubɛ dumɛ kɔma soe kɛ burɔ.

Yɛrɛmaya 6:7 Iomraidhean Croise

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Aiseya 1:6

Ka a bi i kunyɛ ma ha ka yigi i kian ma, kɛndɛya-tina-wo-tina sa i rɔ. I fɛrɛ magboro-gboronɛ, ado tɛlɛ anubɛ da gbansan le ye i ma. Ila tɛlɛnu kubɛlɛ, bɛsi sa anu na, ado anu makirini ma.

Aiseya 57:20

A ko karagbɛlɛnu mani de iko kɔgɔ-yi ye tugula a rɔ nya min. Anu ti bandan yi dundula bore la.

Aiseya 59:6

Anu bi bila-bilala anu nyɔgɔn tɔ wo nya na le, mɔgɔ ti wo ma kurɛ la. Anu sa fenfen kun na fɔ ko-yogoma-kɛ. Anu bi mɔgɛnu matanbanna anu bole la.

Yɛrɛmaya 20:8

N tenbi kumala mɔgɛnu ye fɔ n ba n kan mayɛlɛ. N bi karagbɛlɛyɛ anubɛ kasarɛ le dɔrɔn wara-koe fɔla. N bi ile Marita sarakanɛ le dɔrɔn nakɛla mɔgɛnu ma, ado wo le ye a mala, mɔgɛnu bi n mamɔɛnna wati bɛɛ.

Yɛrɛmaya 30:12

Mari ko tanban-nɛ ye wo ma min ti dandan. Wo duma-tinɛnu ti kɛndɛya.

Yɛrɛmaya 30:13

Wo fɛ-birala fenfen ti taran. Bɛsi-wo-bɛsi ti taran wola tɛlɛnuna ko la. Wo lakɛndɛya-yigi-wo-yigi ti taran.

Yɛrɛmaya 30:15

Hali wo ma wo tɔrɔ wola tɛlɛnu bara-koe fɔla bawo a dandan-fen sa. Mari ko a ara wo tɔrɔ wo nya bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 32:31

Ka a bi soe kɛ sɔ-wati ma, a ko dugu dannu bara a ma, a ara kɔrɔtɔ wɛ kɛ. Woletɔ a ara soe kɛ kasara-koe latɛgɛ

Yɛrɛmaya 8:22

Takun-bɛsi sa Kaliyadi nyamanɛ rɔ? Mɔgɔ-dandanna sa nyɔ, wa? Nfenna nna mɔgɛnuna dumɛ sa kɛndɛyala?

Isikiyɛli 21:29

“Wole Amonnu, wo ya ko-rayirɛ minnu yen, tonya sa wonu tɔ. Wo ye sinan-kumɛ minnu fɔla, foninyɛ le wo bɛɛ la. Wo wunduyogo kosɛbɛ, ado wati ye nala, wo si wota tɔrɔya-laban sɔrɔn. Faan ye nala wo kunyɛnu tɔnbɔnna a daga rɔ.

Isikiyɛli 24:7

I ni wo ma bawo anu taranta mɔgɛnu fagala soe burɔ tumɛ min, anu yele ma tinti dugi ma, a si don dugu la kan min. Anu yele yigira fara-gbaran ma, bɛɛ si a yen kan min.

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Isikiyɛli 7:11

Wola karagbɛlɛyɛ ara sɛgi wo ma iko gbeleka-kundi. Wola fen-kolomɛ wo, wola kinyɛ wo, wola gbiliyɛ wo, wo bɛɛ si tunu yen!

Isikiyɛli 7:23

“Kɔndɔfili ye kan-tinɛ bɛɛ rɔ. Fagalɛ dɔrɔn, wo le nyamanɛ rɔ. Soenu nafanɛ karagbɛlɛyɛnu denu na.

Sɛfanaya 3:1

Yerusalɛm soe kɛ lafanɛ mɔgɔ-murutiyanɛnu anubɛ karagbɛlɛnu na. Yan-mɔgɔ-banu bi anuna mɔgɛnu nyagbala. Wola ko la, fɔ soe kɛ wa kasara serr!