Yɛrɛmaya 6:3 - ALLALA KUMƐ

³ Wo yogenuna mansɛnu anubɛ anuna kɛlɛ-dannu si anu daga makɛ nyɔ. Anu si kan-tinɛ wo bɛɛ ratala ka anuna fani-bɔnnu tafulen nyɔ rɔ.

Yɛrɛmaya 6:3 Iomraidhean Croise

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Nehami 3:18

Ile Asiriya mansɛ, ila kun-tiginu bara faga don! Ila nyamanita-mɔgɛnu ta ara nyɛnsɛn kɔnkɛnu kuma iko sagɛ minnu kandanna sa. Kun-tigi wo kun-tigi sa anu bolo min si anu kundɛn soe burɔ tun.

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.