Yɛrɛmaya 6:25 - ALLALA KUMƐ

²⁵ Wo kana ta binyɛ rɔ de! Wo kana kila kun bira. Wo kana wo ma bawo faan-damɛ ye wo yogenu bolo la. Kumakɔɛ ye kan-tinɛ bɛɛ rɔ.

Yɛrɛmaya 6:25 Iomraidhean Croise

2 Ko-Kɔrɔta-Karan 15:5

Wo sa Allata tɔn kɔrɔ tumɛ min, mɔgɔ-wo-mɔgɔ ti yigi-ni-yɛlɛ kɛ bawo yisi-kimɛ sa nyamanɛ wo fenfen tɔ wati wo rɔ.

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yaburi 31:13

N bi n yogenu wɛwɛ-sa-kan lamɔɛnna. Kilan ye nna foolɛ rɔ. Anu bi n faga-mɔlɔnɛ bɛɛ ladanna.

Aiseya 1:20

Kɔnɔ ni wo bilara a la, fɔ wo kunyɛ wa to kɛlɛ rɔ serr! Ale Mari kan le kɛ la.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 30:5

A ko a ye wole, ata mɔgɛnu wɔrɔndɔ-kan lamɔɛnna kumakɔɛ bolo. Wo kilannɛ dɔgɔma-ma-de, ado yisi-kimɛ sa nyɔ.

Yɛrɛmaya 4:10

Wo kɔma, nde, Yɛrɛmaya ya a fɔ ko, “E, n Tigi Mari, i wara Yuda kɛnu anubɛ Yerusalɛm kɛnu bolo labira. I ya a fɔ nun ko anu si yisi-kimɛ sɔrɔn kɔnɔ yaga, faan-sungban le bɛnnɛ anu kan-kɔrɛ ma.”

Yɛrɛmaya 4:5

Mari ko nde, Yɛrɛmaya ni kilayɛ kɛ lake wole, Yuda nyamanɛ anubɛ Yerusalɛm so-burɔ-mɔgɛnu ma. A ko wo ni buri fɛ nyamanɛ mumɛ bɛɛ rɔ ka mɔgɛnu kundɛn wo kulu-mayɛlɛnɛ la. Mari ko wo ni ta sigi so-latankanɛnu tɔ.

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Yɛrɛmaya 49:29

A ko Babilɔn kɛlɛ-dannu ni anuna fani-bɔnnu anubɛ anuna kolo-fannu torondo anu na. Anu ni anuna fan bɛɛ bi anuna fani-bɔnnu burɔ, hali yorolannu ti to. Anu tenbi nyomɛnu bila tumɛ min, anu si a fɔ ko, “Fen-makilannɛnu bi wola foolɛ rɔ!”

Yɛrɛmaya 49:5

Ale Mari Sɛnbɛ-Bɛɛ-Tigi ko a si a ma, anu ni kilan kan tinɛ bɛɛ rɔ. Anu dama si anu buri tɛrr, anu niyila ko la. Kɛlɛ-dannu kundɛnna-wo-kundɛnna ti taran anu tɔ.

Yɛrɛmaya 8:14

Wole Yuda mɔgɛnu ko, “Nfenna ma siginɛ yan? Ma ni ma kundɛn wona. Tarɛ mininɛ soe minnu ma, ma ni ta faga nyɔ. Mata Mari Alla ara ma halaki-koe fɔ de! A ara ma dawari-yi-lafɛ rɔ bawo ma ara hakɛ kɛ ka bila a la.

Yɛrɛmaya 8:15

Ma miri ye yisi-kimɛ le ma nun kɔnɔ yisi-kimɛ sa ma ye. Ma hɛnkili latɛgɛnɛ kɛndɛyɛ le ma nun kɔnɔ yaga, kumakɔɛ gbansan!

Nimisa Koe 2:22

I ya ma yogenu kele ma kan ma alako anu ni ma kɛlɛ kan-tinɛ bɛɛ rɔ. Anu tugura ma kan ma iko anu keleta dɔn-fan le ma. Mɔgɔ-wo-mɔgɔ ma ke a sɔrɔnna anu na. Mɔgɔ ma to a niyi la min si a rakaran. Hali ma diyana-dan minnu siginɛ ma kɔnkɔn tɔ, anu ya wonu faga.

Isikiyɛli 21:17

Nde fanan ba n bole rafɔ, nna yisi-bɔɛ si ban. Nde, Mari kan le kɛ la.”

Isikiyɛli 7:18

Anu si kasa-kurɛnu don anu kan na yakɔrɔ-mamɔɛ bolo. Anu si yɛrɛyɛrɛn kilan bolo ka anu kunyɛnu gbana miliyɛ bolo.

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.