Yɛrɛmaya 6:15 - ALLALA KUMƐ

¹⁵ A bɛnta wo ni miliya wo kɛ-nya-yogomɛ la. Kɔnɔ miliyɛ bɔrɔ turu, a sa wo yɛ la. Hali wo ara hakɛ-siyaman kɛ, mɔgɔ ti miliyɛ bira wo yakɔrɔ ma lefan! Wo le si a ma, wole fanan bi buila iko doinu. Mari ko mɔgɛnu tɔrɔ-tele wa ke, wo si fɛrɛn dugi la.

Yɛrɛmaya 6:15 Iomraidhean Croise

Ko-Dabirɛnu 19:34

Wo banda kɛ, ala den fɔlɔtɛ ya a fɔ a dɔgɔ-musi ye ko, “N ya n tasagan n fa fɛ kunu suyi rɔ. A ya a sa n fɛ. Ma ni ma fa lamin gbɛɛ la bi suyi rɔ fanan. Ile fanan ni don ka i rasagan a fɛ alako ma fa sugi la kana to.”

Bɔ-Koe-Iyipiti 32:34

Woletɔ n bara kan tinɛ minna ko fɔ i ye nun, i ni ta nyɔ kaka. I ni sɔ mɔgɛnu yarɔ ka ta nyɔ. Nta melika dɔrɔn si sɔ i yarɔ. Hali wo, wo wati si na, n si anu tɔrɔ anu hakɛla ko la.”

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Yɛrɛmaya 14:15

Nɛbi minnu bi wɔlɔyiya-kumɛnu fɔla ale Mari tɔgɛ rɔ, Mari ye kɛnu fɔla wonu denu kan ma. A ko ale ma anu sɔ feu! Anu denu bi a fɔla mɔgɛnu ye ko ita mɔgɛnu ti tɔrɔya-wo-tɔrɔya sɔrɔn anu yogenu bolo. Anu ko kɔnkɔ ti sa ila mɔgɛnu ma. Mari ko anu tɔgɔ ye tola anu yogenuna faan le la, ado kɔnkɛ le ye nɛbi wonu fagala.

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Yɛrɛmaya 23:12

Pinpi si burun anuna kilɛ ma, a ni nama gbalaki! Anu si to namala ka bui. A ko a si kasarɛ lana anu ma, ado anu tɔrɔ-tele ye nala. Ale Mari kan le kɛ la.

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Yɛrɛmaya 44:10

Ha bi, wo ma wo famayigi Mari kɔrɔ wɛ, ado ha bi, wo ma ale Mari gbiliya. Ale Mari ya tɔn minnu di wobɛ wo benbanu ma, ha bi, wo ma wonu bira.

Yɛrɛmaya 5:29

Kɔnɔ ale Mari ko a si karagbɛlɛ wonu tɔrɔ kɛnuna ko la. Mari ko fɔ a wa mɔgɛ kɛnu tayili sara.

Yɛrɛmaya 5:9

Mari ko nfenna a ti mɔgɛnu tɔrɔ kɛla ko la? A ko a ni mɔgɔ-su kɛnu tɔrɔ iko a bɛnta, wo ni tɔrɔ nya min.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Yɛrɛmaya 8:9

Wola hɛnkilimɛnu na si yarabi. Anu kunyɛ ni don gbaran rɔ bawo anu bara anu ban anu tole-masɔ-koe ma Marita kumɛ la. Woletɔ Mari ko kun-takolɔn le anu na filili!

Isikiyɛli 13:14

Anu ya bɔnku-gbɛ layɛlɛ tarɛ min ma wo la, wola bu-koe latɛgɛni de n bolo. A tii-sɔgɛ ye n na mɛmɛ! A si bui foninya-wɔlɔyiya-kuma-fɔlɛnu tɔ ka anu nato dogbe! Bɛɛ ye a lɔnna wo le ma ko Mari le nde la.

Isikiyɛli 2:4

Anu tole gbɛlɛ, ado anu sa n gbiliyala. Woletɔ n bi ile kilayala anu ma ko nde, wo Tigi Mari Alla ye min fɔla, i ni wo latenbi anu ma.

Isikiyɛli 24:7

I ni wo ma bawo anu taranta mɔgɛnu fagala soe burɔ tumɛ min, anu yele ma tinti dugi ma, a si don dugu la kan min. Anu yele yigira fara-gbaran ma, bɛɛ si a yen kan min.

Hoseya 4:5

Wo ye buila hakɛ rɔ su-ni-tele, ado wole, nɛbinu ma tenbi wo la nya-wo-nya. N si wole, Isirɛla mɔgɛnu nato.

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Maika 3:6

a ara to doni, wole nɛbi-su kɛnuna wati ni ban. Bawo wo le ye ata mɔgɛnu nabilala ko-yogomɛ la min kɛ, woletɔ a ti ko-rayirɛ kɛ wo ye tun. Wo ti ke wɔlɔyiya-kumɛnu fɔla tun.

Maika 7:4

Hali minnu natelennɛ wo tɛma, wonu mani de iko dɛran. Hali mɔgɔ-nyimɛ minnu bi wo tɛma, wonu mani de iko mɔgɛnu bi binyɛ minnu dɛnna. “Wo tɔrɔ-wati le wara ke kɛ la Mari bolo iko nɛbinu ya wo lalɔn nya min nun. Wo damasi nyagbanɛ kɔndɔfili bolo.

Sɛfanaya 2:1

Wole Yuda kun-takolɔnnu! Yanni wo kufan-kufan ni ta iko fɔnyɔ wa kɔrɔ-fɔrɔn bi, wo ni wo hɛnkili masɔ. Yanni Marita diminyɛ ni na wo kan ma, wo ni wo hɛnkili masɔ. Yanni a fonde ni bɔ wo kuma ka wo halaki, wo ni wo hɛnkili masɔ. Wo ni wo miri wo kɛ-nya-kɔrɛnu ma ka tubi wo hakɛnu ma.

Sɛfanaya 3:5

Kɔnɔ hali wo, Mari ye Yerusalɛm soe kɛ burɔ. Koe min telennɛ, Mari si wo le ma. A ti ko-raduni wo ko-raduni ma. Tuma-wo-tuma, a si telenbagaya-kilɛ yira ala mɔgɛnu na. Kɔnɔ hali wo, karagbɛlɛ minnu bi nyɔ, anu ti miliya karagbɛlɛya-kɛ-tinɛ.

Sakaraya 13:4

Wo wati wa ke, nɛbi-wo-nɛbi ti a nyɛrɛ matɔgɔ ata ko-rayirɛ la. A ti nɛbiya-kasa-bɔrɔ-kurɛnu kɛ a ma alako a kana mɔgɛ yanfa nya min.

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.