Yɛrɛmaya 6:10 - ALLALA KUMƐ

¹⁰ N si kuma yon na? N si yon makawandi? Yon si a tole masɔ n na? Wole Yuda mɔgɛnu bara wo tole gbere. Wo ti sɔn wo tole masɔla nna makawandili-kumɛnu na. Marita kumɛ ma di wo ye. Wo ti sɔn wo tole masɔla a la muk!

Yɛrɛmaya 6:10 Iomraidhean Croise

Yaburi 1:2

Ale le si sewa Marita tɔnnu birɛ la. A ye ala kumɛ karanna su-ni-tele ka to a mirila a ma.

Yaburi 119:16

Ila tɔnnu ya n nanyagalen. N yili ti bɔ ita sereyanu ko muk!

Yaburi 119:174

E, Mari, a sɔgɛ ye n na, i ni n dɛnbɛ ka n nakanan. N si sewɛ sɔrɔn ita tɔnnu denu tɔ.

Yaburi 119:24

Ila labilɛ ya a ma, n sewara. N makawandilɛ le ila sereyanu na.

Yaburi 119:35

A ma, n ni ila sereyanu bira bawo n ti sewɛ yen kan-bo-kan fɔ nyɔ rɔ.

Yaburi 119:70

Wunduyogoyɛ ye tugula mɔgɛ kɛnu yisi rɔ kɔnɔ ila tɔnnu ya nde hɛnɛ.

Yaburi 119:77

Kinikini n ma alako n ni to n niyi la bawo ila tɔnnu ya n niyi radiya.

Yaburi 40:8

Nta Alla, a di n ye, n ni i diyana-koe kɛ ka ila karan mara n yisi rɔ.”

Bɔ-Koe-Iyipiti 6:12

Musa ya a fɔ Mari ye ko, “Isirɛla mɔgɛnu sa anu tole masɔla nta kumɛ la. Nba, mansɛ wo si a tole masɔ nna kumɛ la kama worɔ, ado n da ra ma di kuma tinɛ?”

Aiseya 42:20

Wole Isirɛla mɔgɛnu, wo ara ko-siyaman tayen wo yɛ la kɔnɔ wo sa anu nya-yenna, wa? Ko-lamɔɛn-tole ye wo bolo kɔnɔ wo ara wo tengberenya.”

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Yɛrɛmaya 7:26

Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Isikiyɛli 3:7

Ni Isirɛla mɔgɛnu ma anu tole masɔ i la, i kana tɛrɛna wo la bawo anu ma anu tole masɔ nde fɔlɔn na. Anu dama tole gbɛlɛ, ado anu sa n gbiliyala.

Isikiyɛli 33:3

Wo wa anu yogenu yen nala, a si buri fɛ ka mɔgɛnu nalɔn.

Isikiyɛli 33:9

Kɔnɔ ni i ya a makawandi, a ma a fara a sɔn-yogomɛ wo la, ni a fagara ala ko-yogomɛ wo kun na, n bolo sa ile la wo rɔ.”

Emɔsi 7:10

Saraka-Masɔla-Kun-Tigi-Wɛ Hamasa min bi Bɛtɛli soe burɔ, wo ya Nɛbi Emɔsi pɛpɛ don Mansa Yɛrabowami na. A ya a fɔ ko, “Emɔsi kɛ ye a da tankala ile Mansɛ anubɛ Isirɛla mɔgɛnu na. A ye kumɛ minnu fɔla, wo si a ma, Isirɛla nyamanɛ ni tinya pɔ!

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Luka 11:45

Tɔn-karan-mɔgɛ do ya a fɔ a ye fanan ko, “Karan-mɔgɔ, i ye min fɔla kɛ la, i ye male fanan lafɛya tinɛ wo la!”

Luka 20:19

Tɔn-karan-mɔgɛnu anubɛ saraka-masɔla-wɛnu ya anu taya wo wati rɔ ko anu ni Yisa bira bawo anu ya a lɔn ko a ya tili kɛ tɛgɛ anu denu denuna ko la. Kɔnɔ anu kilanta mɔgɛnu na.

Yɔni 7:7

A ma bɛn, wo ni gboya duninya ye kɔnɔ nde le gboyanɛ anu ye bawo tuma-wo-tuma n bi anu sɔn fɔla anu ye.

Yɔni 9:40

Farisi minnu bi a fɛ nyɔ, wo donu ya a kan lamɔɛn kɛ fɔla. Anu ya a manyinika ko, “A ye i kɔntɔ ko male fanan, fiyɔn le?”

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Kɛwɔlɛnu 7:60

A ya a nyɛnkin ka gbele-gbelen kan-ba la, a ko, “Mari! I kana i fonde lamiri anuna hakɛ kɛ ma!” A ban wo fɔla, a niyi bɔra.

Romu 7:22

ado n sewanɛ n yisi rɔ ka a tɛgɛ Allala tɔn wara-koe ma.

Tɔn-Fɔɛ-Fila-Nyɔgɛ 29:4

Kɔnɔ ka a dabira wo wati ma ha ka a sigi kaka la, wo ma ban a lɔnna wɛ Mari ya min ma wo ye.

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.