Yɛrɛmaya 52:6 - ALLALA KUMƐ

^6-7 A san tan-ni-kelen-nyɔgɛ, a karɛ nani, a tele kɔnɔntɛ ma, Babilɔn kɛnu kera tarɛ punsɔgɔla ka don, ado wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nakorɔ-kilɛ la. Tarɛ kun-da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

Yɛrɛmaya 52:6 Iomraidhean Croise

2 Mansɛnu 25:3

A san tan-ni-kelen nyɔgɛ, a karɛ nani, tele kɔnɔntɛ ma, Babilɔn kɛnu kera tarɛ punsɔgɔla ka don. Wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nako-rɔ-kilɛ la. Tara kun da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

Aiseya 3:1

Hadama-dan minnu bi Yerusalɛm soe anubɛ Yuda nyamanɛ rɔ, wonu tonɛ fan min bɛɛ ma anubɛ anu tonɛ mɔgɛ min bɛɛ ma, Mari Sɛnbɛ-Bɛɛ-Tigi si na wo bɛɛ bi anu bolo. A si anu beli-fan anubɛ anuna yi bi anu bolo.

Yɛrɛmaya 15:2

Ni wo ko, “Mintɔ,” a ko ka a fɔ wo ye ko ni kirayɛ la ara tɛgɛ min ma, wo ni faga kirayɛ bolo. Ni min kunyɛ ye tola kɛlɛ rɔ, wo kunyɛ ni to kɛlɛ rɔ. Ni kɔnkɔ-fitinɛ ye tala min na, kɔnkɛ ni ta wo la. Ni min kunyɛ ye tola biralɛ rɔ nyamani-gbɛrɛ rɔ, wo kunyɛ ni to birɛ rɔ.

Yɛrɛmaya 19:9

A ko wo yogenu si a mini wola soe ma. Mɔgɔ ti bɔ, mɔgɔ ti don dɔn-fen nyini-tinɛ. Kɔnkɛ si wo bira ha wo ni wo nyɛrɛta dannu dɔn. Wo kɔma, wo si wo nyɔgɔn dɔn dabira.

Yɛrɛmaya 21:9

Mɔgɔ-wo-mɔgɔ tora soe burɔ, ni anu tɔgɔ ma to kɛlɛ la, anu tɔgɔ si to kɔnkɔ-fitinɛ la. Ni min tɔgɔ ma to kɔnkɔ-fitinɛ la, anu tɔgɔ si to kiraya-fitinɛ la. Kɔnɔ ni min tara Babilɔn kɛlɛ-dannu bara ka dɛgɛ min wonu ye, wo tigi ti faga. Minnu bi tala dɛgɛ min tinɛ, wo ye tala a niyi le dɔrɔn na a bolo.

Yɛrɛmaya 25:10

Mari ko a si tɔn sigi wola sewa-tolɔn la. A si yili kiri wola kɔnyɔ-masɔ-tolɔn la. A si tɔn sigi wola kolon-tugu-kan la. Ta-yi wo ta-yi ti taran nyamanɛ rɔ.

Yɛrɛmaya 37:21

Wo le ya a ma, ale Sɛdɛkaya ko anu ni n namara ala kata burɔ. Tele-wo-tele, anu si biredi-lɔngbɔn kelen di n ma ha biredi-koe banta soe wo burɔ.

Yɛrɛmaya 38:9

“N tigi, mɔgɛnu bara min ma, wo ma telen. Anu bara Yɛrɛmaya layigi kɔlɔn rɔ min kɛ, fɔ a wa faga nyɔ bawo dɔn-fen sa soe burɔ.”

Yɛrɛmaya 39:2

Sɛdɛkayala mansayɛ san tan-ni-kelen-nyɔgɛ wo karɛ nanɛ, a tele kɔnɔntɛ ma, anu ya soe tarɛ keri tele wo le ma.

Nimisa Koe 1:11

Yerusalɛm kɛnu bi kurunna dɔnta-nyini-tinɛ. Anu bi anuna fen-kolomɛnu felenna dɔn-fan la alako anu kana na faga kɔnkɛ bolo. Anu bi a fɔla ko, “E, Mari, i kolan lana, i ni ma yarabi-nya yen.”

Nimisa Koe 5:10

Ma fɛrɛ fafanɛ ma ma kɔnkɛ bolo kodokodo, iko biredi bɔ-san tenbi a mintan-tinɛ.

Isikiyɛli 14:13

“Ile hadama-dan, ni nyamanita-mɔgɛnu ya hakɛ kɛ n na, anu ma anu telen n ye, n si anuna dɔn-fan bɛɛ halaki. N si kɔnkɔ-fitinɛ lana anu ma mɔgɛ anubɛ sogenu kunyɛ si to min tɔ.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 31:1

Mala birɛ san tan-ni-kelan, wo karɛ sawɛ, tele fɔlɛ ma, Mari kumara n ye ko,

Isikiyɛli 5:16

N si kilɛ tɛgɛ wola dɔn-fen-koe ma ka wo lakɔnkɔ. Kɔnkɛ si wo dumɛ wo buyi rɔ iko kalabɛn tenbi mɔgɛ rɔ wo ye tɔrɔla nya min.

Isikiyɛli 7:15

Mari ya a fɔ nde, Isikiyɛli ye ko, “Kɛlɛ ye belenna soe kɔma. Kirayɛ anubɛ kɔnkɛ ye soe burɔ. Minnu bi binyɛ rɔ, wonu kunyɛ ye tola kɛlɛ rɔ. Minnu bi soe tɛma, kirayɛ anubɛ kɔnkɛ ye wonu maforongbanna.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Tɔn-Fɔɛ-Fila-Nyɔgɛ 32:24

Kɔnkɔ-fitinɛ anubɛ kiraya-yogomɛnu si wo faga. Mari si sogo-feremɛnu nana wo kan ma minnu si wo dɔn. A si duguma-fen-maralamɛnu natuntun wo ma minnu si wo kin.