Yɛrɛmaya 52:20 - ALLALA KUMƐ

²⁰ Mansa Silamɛni ya fan minnu nadan silɛɛ la wo, a sɛnbɛrɛn-kɔn filɛ wo, a yi-sigi-kenkirɛ wo, a yi-sigi-kunan wo, anubɛ kunan-wɛ wo siginɛ tura tan-ni-fila minnu kuma wo, wonu gbili ha mɔgɔ ti anuna gbiliyɛ dan lɔn.

Yɛrɛmaya 52:20 Iomraidhean Croise

1 Mansɛnu 7:25

Wo kɔma, a ya tura tan-ni-filala muninyɛ ladan ka yi-sigi-kunan wo sigi wonu kuma. Wonu fanan nadanta silɛɛ le la. Tura sawa wonu yɛ lamununnɛ kantɔ-waralɛ la. Sawɛ doi fanan yɛ lamununnɛ tele-yigi waralɛ la. Sawɛ doi fanan yɛ lamununnɛ dugula waralɛ la. Sawɛ doi yɛ lamununnɛ tele-bɔɛ waralɛ la. Anu kan-kɔ sɔnɛ anu nyɔgɔn na yi-sigi-kunan wo kɔrɔ.

1 Mansɛnu 7:47

Mansa Silamɛni ma miran wonu gbiliyɛ-yirika lɔn kamasɔrɔn anu siya. Woletɔ anu ma silɛɛ wo mumɛ gbiliyɛ-yirika lɔn.

2 Mansɛnu 25:16

Mansa Silamɛni ya fan minnu nadan silɛɛ la wo, a sɛnbɛrɛn-kɔn filɛ wo, a yi-sigi-kenkirɛ wo, anubɛ yi-sigi-kunan wo, wonu gbili ha mɔgɔ ti anuna gbiliyɛ-dan lɔn.

1 Ko-Kɔrɔta-Karan 22:14

N bara n taya Bato-Bɔn sɔ-miran wara-koe rɔ. N bara sɛnɛ min nadɛn, wonubɛ fui-fan bɔrɔ waga bi-lolila (5,000) gbiliyɛ rakɛn de! N bara wodi-gbɛ min nadɛn, wonubɛ fui-fan bɔrɔ waga kɛmɛ lolila (50,000) gbiliyɛ rakɛn de! N bara nɛgɛ-kundi anubɛ silɛɛ minnu nadɛn, wonu siya. Dan sa a la. N bara kɔlɔmanu anubɛ kurinu nyini kɔnɔ fɔ ile fanan ni do nyini tun.

2 Ko-Kɔrɔta-Karan 4:18

Mɔgɔ-wo-mɔgɔ ma silɛɛ wonu gbiliyɛ-yirika lɔn bawo anu ya miran-siyaman nadan ale le tɔ.

Yɛrɛmaya 52:17

Mari Bato-Bon-sɛnbɛrɛn-kɔn minnu nadannɛ silɛɛ la wo, kenkirɛ minnu nadannɛ silɛɛ la wo, yi-sigi-kunan min nadannɛ silɛɛ la wo, Babilɔn kɛlɛ-dannu ya wonu tinya ka ta silɛɛ wonu na anu bolo.