Yɛrɛmaya 52:18 - ALLALA KUMƐ

¹⁸ Mari Bato-Bon-miran min bɛɛsi ladannɛ silɛɛ la, a sɔbulu wo, a bugura-makɔ-fen wo, a saraba-tɛgɛ-fen wo, a yele-purupuru-miran wo, a isɛnti-mintan-fen wo, anu tara wo dama la.

Yɛrɛmaya 52:18 Iomraidhean Croise

1 Mansɛnu 7:40

Huram ya dagɛnu nadan anubɛ bugura-makɔ-fannu anubɛ yi-bi-miran-mɛsɛ donu. A ya wo bɛɛ ladan Mansa Silamɛni ye Mari Bato-Bɔnla ko la.

1 Mansɛnu 7:45

Wo kɔma, a ya dagɛnu anubɛ bugura-makɔ-fannu anubɛ yi-bi-miran-mɛsɛ donu nadan. Huram ya miran min bɛɛ ladan Mansa Silamɛni ye Mari Bato-Bɔnla ko la, wo bɛɛ ladannɛ silɛɛ le tɔ. Wo bɛɛ manunkunɛ pinapina!

1 Mansɛnu 7:50

Wo kɔma, a ya yi-lafɛnu anubɛ lɛnpu-ladufen-fannu nadan anubɛ yi-bi-mirannu. A ya isɛnti-bi-fannu anubɛ ta-kɔ-mirannu nadan. A ya Sɛnima-Sɛnima-Tinɛ dɛ-bira-fannu anubɛ a da-wɛ-bira-fannu nadan. Wo bɛɛ ladanta sɛnɛ la.

1 Ko-Kɔrɔta-Karan 28:17

Sɛnɛ-hakikɛ min nyɔgɔn yatɛ si bɛn Bato-Bon-miran-mɛsɛ-yirika ma, a ya wonu yira a la. A sogo-sɔgɔ-fen wo, a ku-musu wo, a yi-lafa wo, a pileti wo, kɛnu nadannɛ sɛnɛ wo le tɔ. Wodi-gbɛ ye pileti wonu fanan ma.

2 Ko-Kɔrɔta-Karan 4:11

Huram ya dagɛnu nadan anubɛ bugura-makɔ-fannu anubɛ miran-mɛsɛnu. Ale Huram kɛ ya Mansa Silamɛni yili-madiya Bato-Bon-miran min bɛɛsi ladan-koe la, a ya wo damasi ladan, a sɛnbɛrɛn-kɔn filɛ wo, sɛnbɛrɛn-kɔn wonu kun-tɛma-soro filɛ wo minnu nakuru-kurunnɛ iko yi-sigi-kunan wo, yɔlɔkɛ minnu bi kun-tɛma-soro filɛ wonu ma wo, pamakaranila muninya kɛmɛ nanɛ minnu gbaranda fila-filɛ dunnɛ kun-tɛma-sore wonu na wo, tebulu tan wo, yi-sigi-kunan tan wo, yi-sigi-kunan-kinama-wɛ wo, tura tan-ni-filɛla muninyɛ minnu siginɛ yi-sigi-kunan kelan wo kɔrɔ wo, dagɛ wonu wo, bugura-makɔ-fannu wo, anubɛ sogo-sɔgɔ-fannu. Boloma-wɔli-kɛlɛ Huram ya miran kɛ damasi ladan silɛɛ la min manunkunɛ ye a bolo pinapina! A ya kɛ damasi ladan Mari Bato-Bɔnla ko la iko Mansa Silamɛni ya a fɔ nya min.

2 Ko-Kɔrɔta-Karan 4:22

Wo kɔma, a ya yi-lafɛnu anubɛ lɛnpu ladufen-fannu nadan. A ya isɛnti mintan tinɛnu anubɛ ta-kɔ-mirannu nadan. A ya wo damasi ladan sɛnɛ-bɛrɛbɛrɛ le la. Bato-Bɔn da-wɛ wo, Sɛnima-Sɛnima-Tinɛ dɛnu wo, sɛnɛ sanɛ wo dama ma.

Ɛsira 1:10

A ya wodi-gbɛ-miran waga kelen (1,000) don a bolo. Wo kɔma, a ya miran-su-gbɛrɛkɛ mogan-ni-kɔnɔntɔ (29) don a bolo. A ya sɛnɛ-miran-dɔgɔma bi-sawa (30) fanan don a bolo. A ya wodi-gbɛ-miran-dɔgɔma kɛmɛ nani ani tan (410) don a bolo. Wo kɔma, a ya wɔli-kɛ-miran su-gbɛrɛkɛ waga kelen (1,000) fanan don a bolo.

Bɔ-Koe-Iyipiti 25:29

Wo ni sɛnɛ do bi ka a ladan piletinu na anubɛ yi-lafɛnu anubɛ panɛnu, wo si minni-sarakɛ kɛ minnu tɔ.

Bɔ-Koe-Iyipiti 25:38

Wo ni lɛnpu wo saraba-tɛgɛ-fannu nadan sɛnɛ la anubɛ a pani-talɛɛnɛnu.

Bɔ-Koe-Iyipiti 27:3

Wo ni saraka-mintan-tinɛ wo fɛ-miran bɛɛsi ladan silɛɛ la, a bugura-makɔ-fen wo, a sɔbulu wo, a yele-purupuru-miran wo, a sogo-sɔgɔ-fen wo, anubɛ a ta-kɔ-miran.

Bɔ-Koe-Iyipiti 37:16

A ya sɛnɛ do bi ka a ladan piletinu na anubɛ bɔnkɛnu anubɛ yi-kɛ-fannu anubɛ yi-lafɛnu anubɛ panɛnu anu bi minni-sarakɛ kɛla minnu tɔ.

Bɔ-Koe-Iyipiti 37:23

A ya bolon wɔrɛ wonu yi-lafɛ ladan sɛnɛ la anubɛ a gbagɛ wotɛ. A ya sɛnɛ ladan ta-ladufen-fannu anubɛ bugura-makɔ-mirannu na.

Bɔ-Koe-Iyipiti 38:3

A ya saraka-mintan-tinɛ wo fɛ-miran bɛɛsi ladan silɛɛ la, bugura-makɔ-fannu wo, sɔbulunu wo, yele-purupuru-mirannu wo, sogo-sɔgɔ-lunyɛnu wo, anubɛ ta-kɔ-mirannu.

Yilan-Yilan Koe 4:14

Anu ni ata mirannu sa a kuma, a ta-kɔ-mirannu wo, a sogo-sɔgɔ-fannu wo, a sɔbulunu wo, anubɛ a yele-purupuru-mirannu. Anu ni gbolo-koloni-hakikɛ burun wo bɛɛ kuma ka a bi-kɔlɔma fila don bolo-kalama-dɛɛnnu woe rɔ.

Yilan-Yilan Koe 4:7

“Wo kɔma, anu ni kura-bilolamɛ do rafulen biredi kuma tebulu wo kuma. Anu si nɔnbɔ-gbɔ-yi-sarakɛ kɛ panɛ minnu tɔ, anu ni panɛ wonubɛ piletinu anubɛ yi-kɛ-fannu anubɛ yi-lafɛnu sigi kurɛ wo kuma.