Yɛrɛmaya 52:17 - ALLALA KUMƐ

¹⁷ Mari Bato-Bon-sɛnbɛrɛn-kɔn minnu nadannɛ silɛɛ la wo, kenkirɛ minnu nadannɛ silɛɛ la wo, yi-sigi-kunan min nadannɛ silɛɛ la wo, Babilɔn kɛlɛ-dannu ya wonu tinya ka ta silɛɛ wonu na anu bolo.

Yɛrɛmaya 52:17 Iomraidhean Croise

1 Mansɛnu 7:50

Wo kɔma, a ya yi-lafɛnu anubɛ lɛnpu-ladufen-fannu nadan anubɛ yi-bi-mirannu. A ya isɛnti-bi-fannu anubɛ ta-kɔ-mirannu nadan. A ya Sɛnima-Sɛnima-Tinɛ dɛ-bira-fannu anubɛ a da-wɛ-bira-fannu nadan. Wo bɛɛ ladanta sɛnɛ la.

2 Mansɛnu 20:17

wati do ye nala, i wara fen-kolomɛ minnu nadɛn ila bolɔn la wo, i benbanu bara fen-kolomɛ minnu nadɛn wo, wo bɛɛ si ta Babilɔn nyamanɛ rɔ. A ko hali wo kelen ti to yan.

2 Ko-Kɔrɔta-Karan 36:18

Babilɔn mansɛ wo tara Bato-Bɔn fen-kolomɛ bɛɛ la a bolo a warɛ pon! Hali Yuda mansɛ anubɛ ala mɔgɔ-banuna bolo-fannu, a tara wo damasi la.

Yɛrɛmaya 52:20

Mansa Silamɛni ya fan minnu nadan silɛɛ la wo, a sɛnbɛrɛn-kɔn filɛ wo, a yi-sigi-kenkirɛ wo, a yi-sigi-kunan wo, anubɛ kunan-wɛ wo siginɛ tura tan-ni-fila minnu kuma wo, wonu gbili ha mɔgɔ ti anuna gbiliyɛ dan lɔn.

Nimisa Koe 1:10

Alla ara a fɔ Alla-lɔnbɛlɛ minnu ma ko anu kana don Bato-Bɔn la, Yerusalɛm kɛnu ya wonu yen donna nyɔ. Fen-kolomɛ minnu bi Bato-Bɔn la, Yerusalɛm yogenu bara ta wo bɛɛ la.

Isikiyɛli 40:49

Dandan-kɔrɛ wo lɔngbɔn bɛnta nunkan-nya mogan ma. Wo kɔnɛ bɛnta nunkan-nya tan-ni-fila ma. Yɛlɛdɛ ya a labila dandan-kɔrɛ ma. Sɛnbɛrɛn-kɔn fila sɔnɛ don-da-wɛ wo la.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.