Yɛrɛmaya 52:13 - ALLALA KUMƐ

¹³ Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Yɛrɛmaya 52:13 Iomraidhean Croise

1 Mansɛnu 9:8

Bato-Bon-nyimɛ kɛ si tinya ka ma bon-gbarɛ la. Mɔgɔ-wo-mɔgɔ wa tenbi nyɔ, wo si kawa ka a bole sa a dɛ la. A si a fɔ ko, ‘Nfenna ko la Mari ara ko sufa kɛ ma ala nyamanɛ anubɛ ala Bato-Bɔn kɛ la?’

2 Mansɛnu 25:9

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

2 Ko-Kɔrɔta-Karan 36:19

Ale Babilɔn mansɛ ya soe tarɛ keri ka soe anubɛ a Bato-Bɔn mintan gburr!

Yaburi 79:1

E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Yɛrɛmaya 19:13

Yerusalɛmna bɔnnu anubɛ mansɛla bolon-sɛninyabɛlɛ si to iko Tofɛti kɛ. Wo ye mala le bawo wo ye yɛlɛla anuna bɔnnu kuma bɛsi-kɔ-tinɛ. Wo wa yɛlɛ nyɔ, wo si to lolenu kɔla ka isɛnti mintan anu ye nyɔ. Wo si minni-fannu ma sarakɛnu na wola bɛsɛnu ye nyɔ.”

Yɛrɛmaya 21:10

Mari ko a ara a latɛgɛ ko a ti kinikini so-karantan kɛ ma fɔ a wa a kasara. A ko a ara ban a donna Babilɔn mansɛ bolo min si a mintan gburr! Ale Mari nyɛrɛ kan le kɛ la.

Yɛrɛmaya 21:14

A ko a si wo tɔrɔ ka tɛ tugu wola mansaya-bolɔn la iko wo ara sɔn-yogomɛ min nabɔ. Tɛ wo si fan bɛɛ mintan ala foolɛ rɔ. Ale Mari nyɛrɛ kan le kɛ la.

Yɛrɛmaya 32:29

ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Yɛrɛmaya 6:5

Ma ni a to ha suyi rɔ ka na to anu kɛlɛla. Ma si so-latankanɛ kɛ tii mɛmɛ!”

Yɛrɛmaya 7:14

Woletɔ ale ara kan-tinɛ min yabɔ a bato-tinayɛ la Yerusalɛm, a si na nyɔ tinya pɔ, ado wo lara kan-tinɛ wo la dɔgɔma-ma-de! A ya nyɔ di wobɛ wo benbanu ma. Kɔnɔ hali wo, a ko a si nyɔ kasara iko a ya Sailo soe kasara nya min.

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Nimisa Koe 2:6

Ma ye a batola bɔn min na fɔlɔ nun, a ara nyɔ-daga-koro-tiyi kɛ. A Sulen-Tele wo, a ladiya-ladɛn wo, a ya tɔn sigi wo dama ma. A mansa wo, a saraka-masɔla wo, wo dama bɛnta ata diminyɛ rɔ.

Nimisa Koe 2:7

N Tigi Mari ya a kan-kɔ sɔ aleta saraka-mintan-tinɛ anubɛ a Bato-Bɔn la. A ya a ma, ma yogenu ya Bato-Bon-dandan labui. Male ye batoli kɛla kan min nun sewɛ la, ma yogenu bi wasawasɛ layɛlɛla nyɔ.

Nimisa Koe 2:8

Mari ara banna Yerusalɛm soe tarɛ bu-koe latɛgɛla. A ara tarɛ wo suman alako hali doni kana to sɔni. A bɛɛ ni tii mɛmɛ! A kan-tina-layan-ba wo, a tara wo, wo bɛɛ ye dila anu nyɔgɔn fɛ bawo anu tinyanɛ.

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Isikiyɛli 24:21

a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Emɔsi 2:5

Woletɔ a si tɛ layigi Yuda nyamanɛ kuma ka wola so-latankanɛ, Yerusalɛm mintan.”

Emɔsi 6:11

“Mari wa a fɔ wo yogenu ye tumɛ min ko anu ni ta wola bɔnnu tinya, wola bon-kinama wo, a dɔgɔma wo, anu si wo damasi murundu.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sakaraya 11:1

Ile Lɛbanan nyamanɛ, ila dɛnu naka alako tɛ ni na sida-kɔlɔma bɛɛ mintan i rɔ.

Matiyu 24:2

A ko, “Wo ni bɔn kɛ bɛɛ mafɛlɛn bɛrɛkɛ! Wo ni wo hɛnkili to kɛ ko! Kuri kɛnu, hali kelen bɛrɛn ti to a gbɛ rɔ. A bɛɛ si wayan.”