Yɛrɛmaya 52:11 - ALLALA KUMƐ

¹¹ Wo kɔma, Nɛbukanasa ya a ma, anu ya Mansa Sɛdɛkaya yɛnu bɔ a kolɔn rɔ. Anu ya yɔlɔkɛ kɛ a ma ka ta a la Babilɔn nyamanɛ rɔ. A tora yele la ha a faga-tele.

Yɛrɛmaya 52:11 Iomraidhean Croise

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 39:7

Wo kɔma, a ya ale Mansa Sɛdɛkaya yɛ tii pɔ, ka yɔlɔkɛ kɛ a ma alako anu si ta a la anu bolo Babilɔn nya min.

Nimisa Koe 2:6

Ma ye a batola bɔn min na fɔlɔ nun, a ara nyɔ-daga-koro-tiyi kɛ. A Sulen-Tele wo, a ladiya-ladɛn wo, a ya tɔn sigi wo dama ma. A mansa wo, a saraka-masɔla wo, wo dama bɛnta ata diminyɛ rɔ.

Isikiyɛli 12:13

A fɔ anu ye ko n si nta yalɛ rafulen mansɛ yarɔ alako n ni a bira. Wo kɔma, n si ta a la Babilɔn soe burɔ. Ha a si faga nyɔ, a ti soe wo ragbɛ a yɛ la.

Isikiyɛli 17:16

“Nde, wo Tigi Mari Alla ko n bara n keli n nyɛrɛ rɔ ko, ‘Fɔ Yuda mansɛ kɛ wa faga Babilɔn nyamanɛ rɔ,’ bawo a ya ala sarama-kan tinya ka a kan bɔ a gbɛ rɔ anubɛ Babilɔn mansɛ ya min kiri, ado Babilɔn mansɛ wo ya ale sigi mansayɛ la Yuda nyamanɛ rɔ nun.

Isikiyɛli 23:24

Anu si na i kan ma kɛlɛ-den-siyamɛ la kɛlɛ-kɛ-kirindinu anubɛ miran-madunu-kirindinu na anu bolo ka bɔ kan tɔ. Anu makirinɛ si a mini i ma nɛgɛ-lufɛnu anubɛ kɛlɛ-kɛ-fulɛnu na anu bolo. N si i don anu bolo. Anu ni i kiti anuta sereyanu na.