Yɛrɛmaya 51:9 - ALLALA KUMƐ

⁹ Sibolo-gbɛrɛ minnu siginɛ anu tɛma, wonu si a fɔ ko, “Babilɔn dɛnbɛ-sɔgɛ ye ma la kɔnɔ a fɛrɛ sa! Ma ni a to nyɔ. Ma ni sɛgi ma warɛnu tɔ. Alla ara a fanka ban Babilɔn kasarɛ ma. A ara tinya pɔ!”

Yɛrɛmaya 51:9 Iomraidhean Croise

2 Ko-Kɔrɔta-Karan 28:9

Marita nɛbi Odɛdi siginɛ Samariya soe burɔ. Isirɛla kɛlɛ-dannu bi tala Yuda mɔgɔ-biranɛnu na anu bolo Samariya soe burɔ tumɛ min, nɛbi kɛ bɛnta anu na soe kɔma. Ale nɛbi ya a fɔ kɛlɛ-dan wonu ye ko, “Wo benbanuta Mari Alla diminyanɛ Yuda kɛnu ma, woletɔ a ara a ma, wole ara anu nɔ kɔnɔ wo ara karagbɛlɛyɛ min sigi anu na ka anu mɔnima-fagɛ-kɛ, a ara wo lɔn.

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Aiseya 13:14

Wo wati rɔ, sundan minnu siginɛ Babilɔn, wonu burumatoe si sɛgi anu barɛnu tɔ. Anu ta si nyɛnsɛn iko woyan wa donso-keminɛ yen. Anu si ma iko saga-fɛ-birala sa sagɛ minnu kuma.

Aiseya 47:15

I wara i to lole-lakɔrɔsilɛ minnu ma kebi fɔlɔ, wonu tɔnɔ ti taran i ma hali! Wonu si i bolokanɛ to ka ta anu ye fulufele, ado i lakananna fenfen ti taran.

Yɛrɛmaya 46:16

Iyipitila kɛlɛ-dannu bi tonko-tankanna ka bui kilan bolo. Anu bi a fɔla anu nyɔgɔn ye ko, ‘Ma ni ma buri tala mala mɔgɛnu bara ma halala-nyamanɛ rɔ. Ma ni ma buri ma yogenu kɔrɔ.’ ”

Yɛrɛmaya 46:21

Hali ala kɛlɛ den sannɛnu, wonu tafagani de iko ninki-dan sɔrɔn-san. Anu fenfen ma ke kɛlɛ rakɔnɔna fɔ ka anu buri. Anu kasara-tele ara na. Anu tinya-tele ara ke.

Yɛrɛmaya 50:16

Mɔgɔ kana sɔn, anu ni fui-fannu fui nyamanɛ wo rɔ. Mɔgɔ kana fui-fan tɛgɛ nyɔ tun. Sibolo-gbɛrɛ minnu siginɛ anu tɛma, wonu si kilan kɛlɛ-dannuna kɛlɛ la. Wo si a ma, anu ni sɛgi anuta nyamanɛnu tɔ.”

Yɛrɛmaya 8:20

Wole nna mɔgɛnu ko telemɛ ara ban. Samɛ ara don, ado dɔn-fen-tɛgɛ-wati ara tenbi. Ma lakisini ma.

Hoseya 7:13

“Gbalo ye wo kuma bawo wo ara nde, Mari boloka ka murutiya n ma. Fɔ wo wa halaki! Wo lakanan-sɔgɛ ye n na nun kɔnɔ wo sa n batola tonyɛ kuma.

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!

Lankɛnimayɛ 18:5

A hakɛnu na ara dɛn anu nyɔgɔn kuma ka yɛlɛ ha ka ke san-kole ma. Nba, Alla ara a fonde to ala ko-yogomɛ ko.